به بڕوای من قۆڕترین جۆری ناڕه‌زایه‌تی ده‌ربڕین له ئێران، داخستنی دوكان و بازاڕه.
وڵاتێكی سه‌قه‌تی وه‌ك ئێران زۆرترین رێژه‌ی گرانی و بێكاری تێیدا شه‌پۆلان ده‌دات، له شاره كوردییه‌كانیش به بۆنه‌ی نه‌بوونی كارگا و كارخانه‌وه كۆڵبه‌ری بوه‌ته پیشه‌یه‌كی باو.. كابرا ئه‌گه‌ر خۆی نه‌دات له كۆڵبه‌ری و به هه‌زار قنه‌جووڕێ دوكانێ بگرێ به كرێ كه هه‌ر رۆژێك دایبخات له‌وانه‌یه ١٠٠ هه‌زار هه‌ر له كرێ دووكان زه‌ره‌ر بكات. داینه‌خات وه‌ها سه‌یری ئه‌كه‌ن كه گوایه كابرا جاشه!!
مانگرتن بۆ وڵاتێك ئه‌بێ كه هیچ نه‌بێ چوار وه‌زیر له به‌ر بێ كیفایه‌تی خۆیان ده‌س له كار بكێشنه‌وه، یان سه‌رۆك كۆماری وڵات بێته ده‌نگ و دڵخۆشییه‌ك بداته خه‌ڵكی.. كاربه‌ده‌ستانی ئێرانی هه‌ر خه‌ڵكی به كه‌ر ئه‌زانن، هیچ په‌كیان پێی ناكه‌وێ دایخه‌ن داینه‌خه‌ن، برسی بن، بمرن، هیچ..ئه‌وه‌تا ماوه‌یه‌ك له‌وه پێش شاری بانه بۆ ماوه‌ی زیاتر له مانگێ مانیان گرت، ئایا سپای پاسداران كه ٨٠% ئابووری وڵاتی قۆرغ كردوه، په‌كی پێكه‌وت؟
No comments:
Post a Comment
په‌یڤێـک بپه‌یڤێنــه