کریسمس 2007

دیسان لای خه‌ڵکان کریسمسه‌ !!!! به‌ڵام لای ئێمه‌مانان سه‌رتای زستان و بێ نه‌وتی و بێ گازی و بێ به‌نزینیه‌ ، له لای خه‌ڵکانی تر شادی و به‌زم و خۆشی و ده‌س له‌ملان کردنه‌ ؛ به‌ڵام لای ئێمه‌مانان وه‌یلان بوونه‌ به‌دوای گاز و نه‌وت و تۆزێک گه‌رمایه‌ .......

چله‌ی زستان و کڕێوه‌ به‌ڕێوه‌یه‌ خه‌ڵکی خه‌ریکی هه‌ڵپه‌ڕکی و سه‌مایه‌ و ئێمه‌ش خه‌ریکی کزۆڵه‌کردن به‌لای مووشه‌ی چرایه‌که‌وه‌ .... هه‌ی هه‌ی له‌م ژیانه‌ ... هه‌ی هه‌ی ...

  

                                

         ده‌م بینی که‌ خه‌مبار و کز و داماوم
       وا بیر مه‌که‌وه‌ له‌ مه‌رگ و که‌س ترساوم
       مردن که‌ له‌ ڕێمه‌ ، هه‌ر ده‌بێ ، ناترسم
       ژاکاوی ئه‌وه‌م به‌ ئاره‌زوو نه‌ژیاوم

روئیا تلووعی یان فه‌رح په‌هله‌وی

 به‌رده‌وام کوردان له هه‌ر ده‌ورانێک‌دا بن ؛ ساویلکه‌یی و گه‌مژه‌یی له خۆێنیان‌دا ناسڕێته‌وه‌، ته‌نیا نه‌ته‌وه‌یێکه‌ که هه‌میشه‌ له ڕابردووی خۆی ده‌رس وه‌رناگرێ و به‌رده‌وام مێژوو بۆی دووپات و سه‌د پات ده‌بێته‌وه‌ ......

چه‌که و بنه‌چه‌که‌ی کوردان به‌ ده‌ستی بنه‌ماڵه‌ی په‌هله‌وی ئه‌نفال و ژینوساید کراوه‌ که چی ڕۆله‌یێکی نه‌به‌ز، شێره‌ ژنێکی مه‌یدانی ئازادی، فمینیستێکی  قاره‌مان، ناسیونالیستێکی کورد به ناوی دوکتور ڕوئیا تلووعی  !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

قۆڵ ده‌کات به‌ قۆڵی رۆڵه‌یه‌کی تری بنه‌ماڵه‌ی په‌هله‌وی که پیشان بدات به‌ دونیا که ئێمه‌ له گه‌ل ئه‌م بنه‌ماڵه‌دا قه‌ت کێشه‌مان نه‌بووه‌ ئه‌وه‌ی که ده‌یڵێن، کاری دوژمنانه‌ که‌ قسه‌یان بۆ دروست ده‌که‌ن.

ئه‌گینا خۆ ئه‌م به‌سته‌زمانانه‌ نه‌بوون که گۆماوی خۆێنیان له ‌مه‌هاباد ڕێک خست و قازیێکانیان له‌ سێداره‌دا خوا هه‌ڵناگری که‌ قسه‌یان بۆ دروست بکه‌ین .

 ئه‌گینا خۆ ڕێکه‌وت نامه‌ی ئه‌لجه‌زایر کاری ئه‌وان نه‌بوو .

سمایل ئاغای سمکۆ خۆ ئه‌وان نه‌یان کوشت .

خۆ نه خوا هه‌ڵ‌ئه‌گرێ؛ و نه پێغه‌مبه‌رانیش ......

 

ئه‌م جاری ئاخره‌ که‌ ڕوئیا تلووعیم بینی ئه‌ویش له گه‌ل ڕه‌زای په‌هله‌وی‌دا به ته‌واوی به‌رچاوم داگیرا .

شای علیه‌ العنه‌ ئه‌وده‌م که‌ هه‌ڵهات و پاش ئه‌وه‌ی که‌ مرد؛ به‌رده‌وام وه‌سیه‌تی ده‌کرد بۆ کوڕه‌ ناباره‌که‌ی که تۆش وه‌ک من هه‌میشه‌ ژنێک با قۆڵی له نێۆ قۆڵت‌دا بێت. ئه‌مه‌ پێی ده‌ڵێن هه‌یکه‌لی شاهانه. ئه‌مه‌ ئیتر هۆی شانازیت ده‌بێت هۆی فیز کردنت ده‌بێت. که ئه‌گه‌ر خه‌ڵکی چاویان به تۆ دا هه‌ڵنه‌هات ئه‌وا له به‌ر ژنه‌که‌شت بێت، هه‌ر دێن به‌ده‌مته‌وه‌، به‌تایبه‌ت ئه‌گه‌ر جوانیش بێت.

ئه‌م کوڕی شا ساڵانێکه‌ له هه‌نده‌ران هه‌ر خه‌ریکی پڕوپاگه‌نده کردنه‌ ؛؛؛؛؛؛ که‌چی خه‌ڵکی ئاوڕێکیان لێ نه‌دایه‌وه‌ .

تا وه‌کوو ئه‌مساڵ خه‌ون و خه‌یاڵاته‌کانی هاته‌دی ....... و بوو به بنێشته‌ خۆشه‌ی سه‌ر زاران .

ئه‌ویش به هاتنی فمینیستێکی ناسیونالیستێکی کورد به ناوی دوکتور روئیا تلووعی ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

به‌ڵێ چاکه‌سوواری مه‌یدان رزگاری گه‌له‌که‌مان خاتوو روئیاخان ئه‌م ده‌م که‌ نه‌ڕۆیشتبوو بۆ هه‌نده‌ران باسی له کێشه‌ی‌ کورد و کێشه‌ی‌ ژنی کورد ده‌کرد . به‌ڵام کاتێ قاچی که‌وته‌ هه‌نده‌ران کێشه‌ و مێشه‌ی له بیر چوه‌وه‌ ، و کێشه‌کانیش به لنگه‌وقووچ تێده‌گه‌یی .

جا ئیتر هه‌موومان لێیده‌ین به چه‌پڵه‌رێزان که کێشيمان ته‌واو بوو . گه‌یشتینه‌ لووتکه‌ی ئازادی . پێغه‌مبه‌ری ژنانمان واهات .  ئێمه‌ی کورد به ئینسان ناسراین ، له‌گه‌لمان دیالۆگ و وت و وێژ ده‌که‌ن . ئه‌ویش له به‌رئه‌وه‌ی که کاربه‌ده‌ستانی پێشوو ، کوردکوژانی زیاتر له سه‌ده‌یه‌ک ئێستاکه‌ بێ ده‌سه‌لاتن .

ده‌ی توخوا با پڕ به‌قوڕگم بڵێم : لێت پیرۆز بێت ئه‌و خه‌ڵاتیه‌ که‌ وه‌رت گرت و لێت پیرۆز بێت ئه‌و جل و به‌رگه‌ جوانه‌ کوردیه‌ که له میدیاکان پێیه‌وه‌ ده‌رده‌که‌وێت ، و ئێمه‌ش پێی ده‌خڵه‌تێین .

ئێمه‌ی کوردانیش به‌بۆنه‌ی ئه‌و ده‌سکه‌وته‌ مه‌زنه‌ که له‌و سیمیناره‌ له‌گه‌ل ره‌زای په‌هله‌وی دا ، به‌ ده‌ستت هێنا ته‌نافی سێداره‌ی قازیه‌کان به دیاری بۆ تی ده‌نێرین ؛ لێت پیرۆز بێت .

کریسمه‌س موباره‌ک

         

ساڵی 2006 قوڵی هه‌ڵماڵیوه‌ به سه‌ر ساڵی کۆن دا سه‌ر که‌وێت شتی کۆن بۆ مێژو و شتی تازه‌ بۆ داهاتووه..  ئیتر له‌م ساڵه‌دا زۆر شت ده‌چێته‌ زبڵدانی مێژوه‌وه‌ ( ئه‌ڵبه‌ت بۆ گه‌لانی پێشکه‌وتو )

به‌ڵام ئاخ که‌سێک بوایه‌ به منیشی بگوتایه‌ فه‌رقی دوینێ و ئه‌مڕو و سبه‌ینێ چیه‌ بۆ ئێمه‌مانان ‌؟؟

له‌ تاران "حوسێن یوسف زه‌‌مانی"ی هونه‌‌رمه‌‌ند كورد رێزی لێگیرا

له 5مین خولی زنجیره‌ رێوڕه‌‌سمه‌‌کانی " ده‌‌نگی دۆست" (آوای دوست)، هونه‌‌رمه‌‌ندی موزیکژه‌‌ن و ئاوازدانه‌‌ری کورد مامۆستا " حوسێن یوسف زه‌‌مانی" له‌ فه‌‌رهه‌‌نگسه‌‌رای هونه‌‌ر (ئه‌‌ره‌‌سباران) له‌ تاران به‌ به‌‌شداری ژماره‌‌یه‌‌کی زۆر له‌ موزیکژه‌‌نان و هونه‌‌رمه‌‌ندانی ناوداری ئێران رێزی لێگیرا.

له‌‌م به‌‌رنامه‌‌یه‌‌دا رێوڕه‌‌سمی رێزلێنانی هونه‌‌رمه‌‌ندان: (حوسێن یوسف زه‌‌مانی ـ ئاوازدانه‌‌ر و ئامێرژه‌‌نی ویۆلۆن) ، (مه‌‌نسوور نه‌‌ریمان ـ ئامێرژه‌‌نی عود و مامۆستای موزیک) ، (ئه‌‌حمه‌‌د ئیبراهیمی ـ گۆرانیبێژ) و هه‌‌روه‌‌ها بیره‌‌وه‌‌ریی خوالێخۆشبوو " مه‌‌نوچێر هومایون‌ پوور" گۆرانیبێژ و توێژه‌‌ری موزیک به‌‌ڕێوه‌‌‌چوو.
له‌‌م رێوڕه‌‌سمه‌‌دا ئه‌‌‌و هونه‌‌رمه‌‌ندانه‌‌ی که‌ رێزیان لێنرا چه‌‌ند به‌‌رنامه‌‌یه‌‌کی موزیکیان پێشکه‌‌ش کرد و چه‌‌ند فیلمێکی دیکۆمێنتی ده‌‌رباره‌‌ی ژیان و به‌‌رهه‌‌مه‌‌کانیان نمایش کرا.
له‌ به‌‌شێکی دیکه‌‌ی ئه‌‌م رێوڕه‌‌سمه‌‌دا رێز له‌ چه‌‌ندین که‌‌سی چالاکی بواری موزیک بۆ پێزانینی ساڵانی هه‌‌وڵدانی هونه‌‌رییان له‌ بواری موزیک نرا.
زنجیره‌ به‌‌رنامه‌‌کانی ده‌‌نگی دۆست هه‌‌موو مانگێک بۆ رێزلێنان و بیره‌‌وه‌‌ری هونه‌‌رمه‌‌ندانی گه‌‌وه‌‌ری بواری موزیک به‌ هیمه‌‌تی به‌‌ڕێوه‌‌به‌‌رایه‌‌تی کاروباری موزیکی رێکخراوه‌‌ی فه‌‌رهه‌‌نگی و هونه‌‌ری شاره‌‌وانی تاران به‌‌ڕێوه‌ ده‌‌چێت.
له‌ به‌‌رنامه‌‌کانی پێشوودا رێوڕه‌‌سمی رێزلێنانی هونه‌‌رمه‌‌ندانی ناوداری ئێرانی، له‌‌وانه‌ " فه‌‌رامه‌‌رز پایوه‌‌ر" ، " بێژه‌‌ن ته‌‌ره‌‌قی" ، " جه‌‌لیل شه‌هناز" و رێوڕه‌‌سمی بیره‌‌وه‌‌ری " ئه‌‌بولحه‌‌سه‌‌ن سه‌‌با" ، " ده‌‌روێش خان" و " عه‌‌لی ته‌‌جویدی" به‌‌ڕێوه‌چووه‌  .

به‌ختیار عه‌لی: فرۆشتن

به‌شێک له نوێتریین هۆنراوه‌ی بڵاونه‌کراوه‌ی به‌ختیار عه‌لیی
به‌رله‌وه‌ی "با" ڕاوم بنێت، به‌رله‌وه‌ی ده‌ریا ڕۆحی من به‌م که‌شتیانه بفرۆشێت
به‌رله‌وه‌ی تۆفان به بێده‌نگییه قوڵه‌کانمه‌وه، له خودا بمکڕێته‌وه
ده‌مه‌وێت خۆشه‌ویستیی تۆ بفرۆشم و بڕۆم بۆ دوورگه‌یه‌کی ئاسنیین و
له‌وێ بمرم
له بازاڕه‌کاندا دوکانداری زۆرم بینیی، سه‌وای ئه‌شقی تۆیان کرد
کێشانه‌ی زۆرم بینیی خۆشه‌ویستیی تۆیان بۆ کێشام
به‌ڵام که‌سیان کڕیاری خۆشه‌ویستیی نه‌‌بوون
وه‌ك چۆن بولبولێکی دیل له قه‌فه‌زدا فڕیینی خۆی به خه‌یاڵ ده‌پێوێت
خۆشه‌ویستیی تۆم پێوا
دواجار ده‌مه‌وێت خۆشه‌ویستیی تۆ بپێوم و بچم بۆ شارێکی دی و
له‌ژێر سێبه‌ره‌کانیدا بمرم،
ئیدی له کووچه‌کاندا ئه‌وانه بانگیانکردم، که خۆشه‌ویستیی ده‌کڕنه‌وه
به بازاڕه‌کاندا ئه‌وانه‌ی ئه‌شق ده‌فرۆشنه‌وه سه‌وایان لێکردم
به‌ڵام که‌سیان نرخی خۆشه‌ویستیی تۆیان نه‌دامێ
ئه‌زییزم به‌رله‌وه‌ی خودا بمفرۆشێ و ئه‌هریمه‌ن بمکڕێته‌وه
ده‌مه‌وێت ئه‌شقی تۆ بفرۆشم و بڕۆم بۆ به‌حرێکی دوور و
بیر له کۆتایی بکه‌مه‌وه
ئه‌گه‌ر کڕیارێکم بۆ ئه‌شقی تۆ هه‌بێت، ئیدی باکم به‌هیچ
نییه،
ده‌مه‌وێت به‌رله‌وه‌ی بمرم بزانن، ئه‌شقی تۆ ئاسان نییه،
به‌ڵام ئه‌وه‌تا ئه‌گه‌رچیی ئه‌ستێره و سه‌راب و یاقووتی نه‌بینراوی زه‌ریاشم ده‌ده‌نێ
هێشتا که‌س نرخی ئه‌ڤیینی تۆ نازانێت ..
که‌س نرخی خۆشه‌ویستیی تۆی پێ نییه،

ته‌مموزی ۲۰۰۶ 
سه‌رچاوه‌ :http://www.kurdistanpost.com/article.asp?id=1512

وه‌رن بۆ کووتاڵی ره‌نگین

به بیانووی 25 ی نوامبیر رۆژی جیهانی دژایه‌تی له گه‌ل تووند و تیژی دژ به ژنان

هه‌ی شووتی به شه‌رتی چه‌قۆ

هه‌ی ژن ،، به نرخی لاره‌ ملی

هه‌ی ژن ،، به شه‌رتی گۆشت ، هه‌ی ژن به شه‌رتی گه‌مژه‌یی ، به شه‌رتی کاره‌که‌ری ..

هه‌ی ژن ،، به پووڵ ، به لیره‌ ، به هێستر به گا به خوری به ته‌ماکۆ به حه‌شیش ، به بتڵێك ویسکی .

وه‌رن نامووس بکڕن ، هه‌ی نامووس بۆ پیاوی سمێڵ پان و ریشن ..

هه‌ی ژن بۆ ماچ ، بۆ ....... ، بۆ رابواردن ..

ته‌ڕه‌بارم پێیه‌ ، کوڕی نه‌دیوه‌ ، عه‌شقی نه‌کردوه‌ ، خۆری نه‌دیوه‌ ، ده‌رگا و بانی نه‌کردوه‌ ..

وه‌ره‌ کابرا !! ته‌ڵاق بکڕه‌ بۆ خستن ، ته‌ڕه‌باره‌ ته‌ڕه‌ بار ..

نۆ ساڵم لایه‌ ، سێزده‌ ساڵم پێیه‌ ، بیست و پینج ساڵیشم پێیه‌ بۆ کوڕ بوون ؛ به‌س کوڕی ده‌بێت . تاقیش کراوه‌ته‌وه‌ سێ پیاو تر بردویانه‌ کوڕیان لێی بووه‌ و دواتر وه‌ لایان ناوه‌ ..

ده‌ی مه‌ڕۆ با بێ به‌ش نه‌بیت ته‌ڕه‌باره‌ ته‌ڕه‌ بار ..

تازه‌ گه‌ره‌نتیشی هه‌یه‌ ..

نه ئه‌تۆرێت .. نه جل و به‌رگی ده‌وێ .. ساڵێ ده‌ستێک .. نه ئارایشی پێویسته‌ .. حه‌ز به ژنی تازه‌ش بکه‌ی بێ ده‌نگه‌ ..

ده‌س ره‌نگینه‌ بۆ گسک دان ، بۆ جل شۆردن ، بۆ یاپراخ و که‌لانه ..

هه‌ی ژن ؛ ژیانه ژیان ؛ نه‌ک بۆ خۆت ، بۆ عه‌شیره‌تێکیش ، به شه‌رتی دڵی برا ، دڵی دش ، دڵی هاوسێ ، دڵی خه‌سوو به تایبه‌تی ..

وه‌رن بۆ کووتاڵی ره‌نگین