Dec 26, 2007

من "شیلان"م که‌ روژێک ده‌بم به "دۆعا"

خۆ دۆعاتان له‌ بیر ماوه‌، دۆعایه‌ک که‌ بوو به قوربانی کلتووری کۆنه‌په‌رستانه‌ی کورد. کوردی خاوه‌ن ته‌کنه‌لۆجیای مه‌لا و شێخ و نووشته‌ و جنۆکه. کورد قه‌د واز له‌ خۆی ناهێنێ و به‌رده‌وام کاره‌سات به سه‌ر خۆیدا دێنێ. ئه‌م وێنانه‌ی رۆژنامه‌ی "واشنگتن پۆست"م که‌ بینی به‌ ته‌واوی بێزم له‌ خۆم و له‌ کورد ده‌هات و ئێستا که‌ خه‌ریکم ئه‌م دێڕانه به کوردی ده‌نووسم؛ شه‌رم ده‌مگرێ که‌ بڵێم منیش کوردم.. دڵته‌زێنه، دڵته‌زێن، شه‌رمه‌زاریه‌ شه‌رمه‌زاری...


به رۆژانه ده‌یان کاره‌ساتی له‌م چه‌شنه‌ ده‌بینین وه‌ک ئه‌یوب که به‌ده‌ستی باوک و باوه‌ژنه‌که‌ی بوه‌ قوربانی، دۆعا که‌ بوو به هێمای به‌رخۆدان و نه‌سره‌وتن بۆ سڕینه‌وه‌ی وشه‌ سیخناخه‌کانی شه‌ره‌ف و نامووس و غیره‌ت..  
هه‌روه‌ها مردن به شێوه‌ جیاوازه‌کانی به‌ردبارانکردنی ژنان، خۆسوتاندنی ژنان و خۆکوشتنیان. شووکردنی سیغه‌، قه‌یره مانه‌وه، له‌شفرۆشی یان شوو به‌سه‌ر هه‌وێدا کردن... ئه‌مانش خۆی بۆ خۆیی هەڵگری چیرۆکه دڵتەزێنەکانی کۆمه‌ڵگا که‌مانه..

ئه‌وا ئه‌مڕۆش شیلان له ته‌مه‌نی زۆر منداڵیه‌تی‌دا له بچووکترین و ناسکترین ئه‌ندامی له‌شیه‌وه‌ ده‌ست به‌ بڕینی ده‌که‌ن، تا کوو رۆژێک سه‌ریشی به سه‌ر جه‌سته‌یه‌وه‌ لابه‌ن..

 قورئان و حه‌دیسه‌کان له‌ به‌رانبه‌ر ئه‌م ده‌ستدرێژیانه دا که به ناوی "خه‌ته‌نه‌ کردن" ناو بانگی دەرکردوە، بێ ده‌نگ بوه‌ هەروەها که له‌ به‌رانبه‌ر کڕین و فرۆشتنی ژنان و بێ بایه‌خ کردنیان و دوانیان وه‌ک پیاوێک دابنرێ و چواریان به شاهید وه‌ر بگیرێ و تا ئه‌و راده‌یه‌ ئایەتەکانی قورئان وەک: "الرجال قوامون علی النساء" (پیاوان له ژنان مه‌زن تر و باشترن) کردوه به حوکمێک و به‌رده‌وام ده‌ستی داوه‌ته‌ کۆیله‌ کردنی ژنان.. جا ئه‌گه‌ر ئه‌م ئا‌یه‌ت و ده‌یان ئایه‌تی دیکه‌ که‌ به‌رده‌وام به گۆی ژندا خۆێندوویانه، به گۆی پیاودا بیانخوێندایه‌ و بۆ نمونه‌ بیانکوتایه‌ (النساء قوامون علی الرجال)، پیاو هه‌ست و بیر و بۆچوونی سه‌باره‌ت به ده‌قه‌ ئاسمانیه‌کان چ ده‌بوو؟؟

لەم رۆژانەش‌دا، ناپه‌رله‌مانی ناحکومه‌تی ناهه‌رێمی ناکوردوستان به داخه‌وه‌ له‌ ژێر نائالای نائیسلام ده‌ستی کرد به په‌سه‌ند کردنی نایاسایه‌ک که بوو به‌ هۆی شانازی موسڵمانه‌کان، ئه‌ویش په‌سه‌ند کردنی یاسای فره‌ ژنی...
ئه‌م یاسایه‌ هه‌رچه‌نده‌ به دڵی بازێک نه‌بوو. به‌ڵام به دڵی هه‌زاران پیاوسالار بوو، هه‌ر بۆیه‌ به‌ بزه‌وه‌ خه‌ریکن هێلکه‌ گوونیان ده‌ساون...
هه‌رچه‌نده‌ ماوه‌یه‌ک بوو موسڵمانه‌کان له ده‌ستی ناحکومه‌تی ناهه‌رێمی ناکوردوستان دڵێکی خۆشیان نه‌بوو، و به‌رده‌وام ئاخیان بۆ به‌عسیه‌کان و سه‌دام حوسه‌ین هه‌ڵده‌کێشا!! ئه‌وا ئه‌م جاره‌ چاوی کوێریان به ناحکومه‌تی ناهه‌رێمی ناکوردوستاندا هه‌ڵات و ئه‌م مه‌سه‌له‌ی فره‌ژنیه‌ دڵخۆشی کردن که هێشتا ئیسلام نەمردوه‌!! هه‌ر بۆیه‌ مه‌لاکان به‌رده‌وام له‌ ماڵپه‌ره‌کان و له‌ میدیاکاندا ده‌ستیان داوه‌ته‌ پاساو دانه‌وه‌ی مه‌سه‌له‌ی فره‌ژنی..
ئه‌ی بوو ناپارله‌مانتاره‌کانی ناحکومه‌تی ناهه‌رێمی ناکوردوستان، دانانیشن و یاسایه‌ک ده‌ر ناکه‌ن دژی ئه‌م ده‌ستدرێژیانه که‌ به سه‌ر منداڵانی به‌سته‌زمانی کوردا دێت.. بۆ گۆی خۆیان لێخنیوه‌ و هه‌ست به‌م ئازاره‌ نامرۆڤایانه‌ ناکه‌ن؟؟ ئاخۆ ناڵه‌ و زریکه‌ی ده‌یان شیلان نه‌گه‌شتبیته‌ لای عه‌دنان موفتی؟؟

به‌ڵام وه‌رن با شیلان و سه‌دان شیلانی دیکه‌ له‌ بیر نه‌که‌ین.. وه‌رن با قۆڵی بۆ هه‌ڵماڵین بۆ بزوتنه‌وه‌یه‌ک که‌ قوربانی ژنان و کچان رابگرین و وه‌ک ئینسانێک چاویان لێ بکه‌ین نه‌ک وه‌ک ئامێرێك بۆ رابواردن، یان وه‌ک نه‌گبه‌تی و نه‌هامه‌تیه‌ک...

ئه‌م وێنه‌ی شیلانه‌ ئه‌وه‌مان پێ ده‌ڵێت:" که من شیلانم من ئه‌و حوریه‌م که‌ له‌ دویی ده‌گه‌ڕێن، من ئینسانم، من مافی ژیانم هه‌یه‌، چێژ وه‌ر گرتنم له‌ مه‌گرنه‌وه‌... با منیش نه‌بم به دۆعا.. ترس و دڵه‌راوکێ مه‌خه‌نه‌ دڵمه‌وه‌ . با هه‌ر له منداڵیه‌وه‌ هه‌ست به‌وه‌ نه‌که‌م که‌ ئاژه‌ڵێکم به ناوی نامووسی باوک و براکه‌م و ده‌بێ ئاگام له خۆم بێت ئه‌گینا ده‌بم به‌ دۆعا... ."

Dec 16, 2007

نازانم بۆ پڕ به دڵ پێم خۆشه‌ له‌و فه‌له‌ستینیانه ده‌کوژرێ!!

له ژیانم دا پێم خۆش نه‌بووه‌ چۆله‌که‌یه‌کیش بکوژرێ. به‌ڵام نازانم بۆ پڕ به دڵ پێم خۆشه‌ له‌و فه‌له‌ستینیانه ده‌کوژرێ!!
له‌وانه‌یه‌ پێوه‌ندی هه‌بێ به‌وه‌ که‌ ئه‌و فه‌له‌ستینیانه‌ له‌ کاتی به ته‌عریب کردنی که‌رکووک، چۆن سه‌دام حوسه‌ین ده‌هات و ئه‌وانی ده‌هێنا وه‌ک عه‌ره‌بێک ده‌ستیان ده‌گرت به سه‌ر ماڵ و سامانی کوردان دا.
له‌ لایه‌کی دیکه‌شه‌وه‌، ئاخر خۆ نه‌ته‌وی ئیسراییلیش مافی خۆیه‌تی که‌ له‌ سه‌ر ئه‌م گۆی زه‌ویه‌ شوێنێکی هه‌بێ بۆ ژیان کردن.. وه‌ک مێژوو ده‌ری ده‌خات ئه‌و وڵاته‌ی که‌ ئه‌مڕۆ فه‌له‌ستینیه‌کان و ئیسراییلیه‌کان له‌ سه‌ری مشت و مڕیانه هی هه‌ردووکیان بووه‌ و پێکه‌وه‌ ژیاون تا کوو ئیسلام هاته‌ نێویانه‌وه‌ و ئیتر ئه‌و جووله‌کانه‌ی که‌ نه‌یانویستوه‌ ئایینی ئیسلام قه‌بووڵ بکه‌ن، ده‌رکراون به‌ڵام دوای شه‌ڕی دووهه‌می جیهانی و دیارده‌ی هولوکاست گه‌ڕانه‌وه‌ زێدی باب و باپیرانیان که ئاوه‌دانی بکه‌نه‌وه‌..
ئه‌وه‌تا له‌ ژێر سیاسه‌تی ئه‌مڕۆی جیهانی دا ئه‌وا ئێرانیش خۆیی کردوه‌ به‌ برابه‌ش.. جا جه‌نابی برابه‌ش ئه‌گه‌ر پێت ناخۆشه‌ ئیسلام له ناو بچێت!! خۆ هاوسێکه‌یشت (باشووری کوردستان) موسڵمانن ده‌ی ئه‌وان بۆ تۆپ باران ده‌که‌یت و خه‌ڵکی بێ ده‌ره‌تانی ناوچه‌ سنووریه‌کان راو ده‌نێیت....
ئاخۆ داڵده‌یه‌ک هه‌بێ بۆ ده‌رباز بوون له‌م ئیسلام و له‌م برابه‌شانه‌...

Nov 16, 2007

رۆژی خوێندکار و هێزه‌ ئینتزامیه‌کان

دوێنێ رۆژی خوێندکاری زانکۆ بوو له‌ ئێران دا. هه‌ر به‌م بۆنه‌وه‌ "هێزه‌ ئینتزامیه‌کان"به هاوکاری بنکه‌ی په‌روه‌رده‌ کردنی مامۆستای شاری ورمێ به‌رنامه‌یه‌کیان بۆ به‌ڕیوه‌ بردین!! له‌م رێو ره‌سمه‌ شکۆداره‌دا سه‌ردار "که‌ره‌می" ده‌ستی کرد به لێک دانه‌وه‌ی سیاسه‌ته‌کانی ئامریکا هه‌ر له کۆنه‌وه‌ له‌و ده‌مانی که ئامریکا و شۆره‌وی وه‌ک دوو زل هێز نێره‌که‌رایه‌تیان ده‌کرد.... هێنای هێنای پێوه‌ندی دایه‌وه‌ به شۆڕشی گه‌لانی ئێران و که‌نداوی کورد(که چه‌واشه‌یان کردوه‌ به کنداوی فارس یان که‌نداوی عه‌ره‌ب) هه‌روه‌ها کێشه‌ی عیراق و ئه‌فغانستان و ... هتد .
 دواتر ئامه‌ژه‌ی به‌وه‌ دا ، له به‌رانبه‌ر ئه‌و هه‌موو زل هیزی و سوپای ئه‌مریکی و دۆستانی؛ ئێمه‌ش چه‌نده‌ توانا و هێزمان هه‌یه‌ و ئێمه‌ش جیا له نێره‌که‌رایه‌تی، که‌ڵه‌گایه‌تیشمان زیاتره‌...

جیا له‌مانه‌ش له راست و چه‌په‌وه‌ سه‌ربازه‌کانی ئیمامی زه‌مان  له جه‌نابی "سه‌ردار" وێنه‌یان هه‌ڵده‌گرت وئه‌ویش خۆیی قۆز ده‌کرد و به لاچاو سه‌یری له‌پ تابه‌که‌ی به‌رده‌می ده‌کرد...

به‌ڵام خۆزگا رۆژێک بۆم روون بوایه‌ته‌وه‌ که رۆژی خویندکار چ پێوه‌ندیه‌کی بوو به  "هێزه‌ ئینتزامیه‌کان"وه‌!!

Nov 7, 2007

پێگه‌ی قانونیانه‌ی زمانی کوردی له‌ عیراقدا

 
 زمان وه‌نه‌بێت هه‌ر به‌ته‌نها هۆیه‌کی له‌یه‌ک گه‌یشتن بێ، به‌ڵکو بۆ بواره‌ سیاسیه‌کانی نه‌ته‌وه‌، زمان ناسنامه‌یه‌. خۆ نابێ نکولی له‌وه‌ بکه‌ین که‌ یه‌کێک له‌ هۆکاره‌ هه‌ره‌ دیارو زه‌قه‌کان که‌ کوردی به‌ کورد هێشتۆته‌وه‌ زمانه‌که‌یه‌تی، بۆیه‌ له‌ به‌دیهێنانی داخوازیه‌ سیاسیه‌کانیش ده‌بێ پرسی زمان له‌ پێشه‌نگه‌وه‌ بێ. گه‌ر قوڵتریش بنواڕین؛ په‌نا بۆ پێناسه‌ی نه‌ته‌وه‌ ببه‌ین ئه‌وا دیسان زمان پێکهاته‌یه‌کی هه‌ره ‌کارای پیناسه‌که‌ پێک ده‌هێنی و وه‌ک کۆڵه‌گه‌یه‌کی سه‌ره‌کی خۆی ده‌نوێنێ. سه‌باره‌ت به‌پرسی داکۆکیکردن له‌سه‌ر زمانی دایک به‌شێوه‌یه‌کی قانونیانه‌، سیاسه‌تمه‌دارانی کورد تائێستاکه‌مته‌رخه‌م بوون.


ده‌ستووره‌کانی پێشو
ده‌ستوری یه‌که‌می عێڕاق ١٩٢٥به‌ هه‌ر ١٢٣ مادده‌که‌یه‌وه‌ نه‌ک ددانی به‌زمانی کوردی نه‌ناوه‌ به‌ڵکو خۆی بواردوه‌ له‌ ناوهێنانی ئاخێوه‌ره‌کانی وه‌ک پێکهاته‌یه‌کی عێڕاق. به‌ڵکو له‌جیاتی ئه‌وه‌ له‌ مادده‌ ١٧یدا هاتوه‌" عه‌ڕه‌بی زمانی فه‌رمییه‌ مه‌گه‌ر قانونێکی تایبه‌تی بۆ ده‌ربچێ" . هه‌رچه‌نده‌ ده‌ستوره‌که‌ دوجار هه‌موار کرا: یه‌که‌میان دوای سێ مانگان له‌هه‌مان ساڵ‌ و دوهه‌میشیان له‌١٩٤٣، به‌ڵام هیچ کام له‌و دو هه‌موارکردنه‌ قانونیانه‌ مادده‌ی ناوبراویان نه‌گرته‌وه‌، یان مادده‌یه‌کیان له‌دوتوێی ده‌ستوردا زیاد نه‌کرد که‌سه‌لمێنه‌ری فه‌رمێتی زمانی کوردی بێ. هه‌رچه‌نده‌ پێش هه‌موارکردنی دوهه‌م ‌و له ‌١٩٣١ "قانونی زمانه‌ ناوچه‌ییه‌کان" ده‌رچو، که‌به‌پێیه‌وه‌ له‌چوارچێوه‌یه‌کی دیاریکراو ددانی به‌زمانی کوردی دادنا، به‌ڵام وه‌ک زمانێکی"سه‌ربه‌خۆ" سه‌یری نه‌کرا به‌ڵکو وه‌ک زمانێکی ناوچه‌یی. سه‌رنج لێره‌دا ئه‌وه‌یه‌ که‌ قانونی ناوبراو ئاماژه‌ بۆ مادده‌ی ١٧ی ده‌ستور وه‌ک بنه‌مای ره‌وایه‌تی ناکا، له‌هه‌مان کاتیشدا ده‌ستور له‌دوهه‌مین هه‌موارکردنیدا رێی به‌و ئاقاره‌دا نه‌بردوه‌. راسته‌ قانونی زمانه‌ ناوچه‌ییه‌کان هێزی فه‌رمانبه‌ردارێتی قانونی هه‌بووه‌ به‌ڵام هه‌موارکردن، تاگۆڕین‌ و لابردنیشی ئاسان بووه‌، ئه‌و هێزه‌ی نه‌بووه‌ که‌ مادده‌یه‌کی ده‌ستور هه‌یبووه‌.

له‌ده‌ستوری کاتی ١٩٥٨دا بێجگه‌ له‌ماده‌ی راڤه‌هه‌ڵگری ٣ له‌هیچ مادده‌ی دیکه‌یدا باس کورد و زمانه‌که‌ی نه‌هاتوه‌. مادده‌ی سێهه‌میشی که‌عه‌ڕه‌ب ‌و کورد به‌ هاوبه‌ش له‌نیشتمان داده‌نا، به‌ڵام به‌هۆی ناواخنی مادده‌ی پێشوی به‌وه‌ی "عێڕاق (وه‌ک گشت) به‌شێکه‌ له‌ نه‌ته‌وه‌ی عه‌ڕه‌ب "هه‌رچی مافی نه‌ته‌وایه‌تی غه‌یره‌ عه‌ره‌به‌کانه‌ سڕیه‌وه‌. خۆ له‌ده‌ستوری ناوبراودا به‌هیچ شێوه‌یه‌ک ئاماژه‌ به‌فه‌رمی بونی زمانی کوردی نه‌کراوه‌.

هه‌رچی ده‌ستوری ١٩٦٤یشه‌ ئه‌وا له‌مادده‌ ٣یدا هاتوه‌ "ئیسلام دینی ده‌وڵه‌ته‌ و رێسای سه‌ره‌کی ده‌ستوره‌که‌یه‌تی ‌و زمانی عه‌ڕه‌بیش زمانی فه‌رمیه‌که‌یه‌تی" به‌م مادده‌یه‌ رێگه‌ له‌ناسینی زمانی کوردی گرتوه‌، هه‌رچه‌نده‌ بۆره‌ ئاماژه‌پێکرنێکی سه‌رپێیش له‌مادده‌ی ١٩ هه‌بوه‌ که "‌ده‌ستور دان به‌مافه ‌نه‌ته‌وایه‌تیه‌کانی کوردان له‌ بۆته‌ی گه‌لی عێڕاق له‌ یه‌کێیته‌کی نیشتمانیانه‌ی براتیانه ‌داده‌نێ".

ده‌ستوری کاتی ١٩٦٨یش به‌هه‌مان داڕشتن له‌مادده‌ چواریدا باس له‌فه‌رمیبونی زمانی عه‌ڕه‌بی به‌ته‌نها ده‌کا.

ده‌ستوری ساڵی حه‌فتاش هه‌مان ده‌ستوره‌که‌ی ساڵی 68ه‌ به‌ڵام به‌هه‌موار کردنه‌وه‌. له‌وده‌ستوره‌دا رێگه‌ به‌زمانی کوردی له‌ناوچه‌کانی حوکمی زاتی دراوه‌. حوکمی زاتیش بۆ ئه‌وشوێنانه‌ بوه‌ که‌زۆرینه‌ی کوردن. به‌ڵام رژێم له‌ڕێگه‌ی سیستمی به‌عه‌ڕه‌بکردن زۆر شوێنی کوردستانی به‌عه‌ڕه‌ب کردن، وله‌ حوکمه‌زاتیه‌که‌و ئازادی زمانیشی بێ به‌ری کردن.


ئایا زمانی کوردیی پێویست نییه‌؟
کاتێک قانونی به‌ڕێوه‌بردنی ده‌وڵه‌تی عێڕاق بۆقۆناخی گواستنه‌وه‌ش داڕێژرا به‌به‌راورد له‌گه‌ڵ ده‌ستورو قانونه‌کانی پێش‌خۆی جیاوازی‌ و گۆڕانکاری به‌رچاوی له‌گه‌ڵ خۆی هێنا. ده‌ستوری هه‌میشه‌یش هه‌مان مادده‌ی نۆهه‌می قانونی ناوبرای له‌دوتوێی ده‌قی خۆیدا داڕشتۆته‌وه‌. لێ ئه‌مجاره‌یان ژماره‌ چواری له‌ریزبه‌ندیکردنی مادده‌کانی وه‌رگرتوه‌ به‌لێزیادکردنی دوبڕگه‌ی تایبه‌تمه‌ند به‌زمانی تورکمانی ‌و سریانی ‌و زمانه‌ ناوچه‌ییه‌کانی دیکه‌.

دێڕی یه‌که‌می مادده‌ی چواره‌م که‌ڕێسایه‌کی گشتیه‌ زۆر قانونیانه‌ داڕێژراوه‌ که‌ ده‌ڵێ" اللغه‌ العربیه‌ واللغه‌ الکوردیه‌ هما اللغتان الرسمیتان للعراق" به‌ڵام له‌بڕگه‌ی دواتردا که‌ سیفه‌ته‌ فه‌رمییه‌که‌شی ده‌کاته‌وه‌، ئه‌و تێبینییه‌ له‌خۆ هه‌ڵده‌گرێ که‌زمانی کوردی هاوشانێتی فه‌رمی بونی له‌هه‌مبه‌ر زمانی عه‌ڕه‌بیدا له‌ده‌ست ده‌دا، یان هه‌رهیچ نه‌بێ بازنه‌که‌ی ته‌سک ببێته‌وه‌. رسته‌ی سه‌رو به‌ڕه‌هایی هاتوه‌، خۆشی خۆی شیده‌کرده‌وه‌، چونکه‌ فه‌رمیتی بوون هه‌مو بواره‌کانی ژیانی دانیشتوانی عێڕاقی ده‌گرێته‌وه‌، به‌ڵام کاتێک هه‌ر خودی مادده‌که‌ دێت‌ و خوردی ده‌کاته‌وه‌ له‌ خاڵی دوهه‌می بڕگه‌ی دوهه‌میدا به‌وه‌ی زمانی فه‌رمی ده‌زگا فه‌رمیه‌کان هه‌رکامێک له‌ دوزمانه‌کانه ‌"بأی من اللغتین". لێره‌دا داڕشتنه‌که‌ ئه‌و فه‌رمانبه‌ردارێتییه‌ زه‌قه‌ نادات به‌ده‌سته‌وه‌ له‌وه‌ی که‌ بگوترابا به‌هه‌ردو زمانه‌کان ده‌بێ. ئه‌و بوارانه‌ی که‌ خاڵه‌که‌ باسی ده‌کا له‌ ئه‌نجومه‌نی نوێنه‌ران و ئه‌نجومه‌نی وه‌زیران به‌پێی رێژه‌ی ئه‌ندامانی که‌ عه‌ڕه‌بن و به‌ کرداریش هه‌روا بوه‌ زمانی عاڕه‌بی به‌کار هاتوه‌. چونکه‌ به‌پێی خاڵه‌که‌ هه‌ریه‌کێ له‌ زمانه‌کان ده‌ربه‌ستی ره‌وایه‌تی ده‌ستوریانه‌ وه‌رده‌گرێ. به‌ڵام گه‌ر هاتباو هه‌ردو زمانه‌که‌ی ئیلزام کردبا ئه‌وا کاره‌که‌که‌ به‌جۆرێکی دیکه‌ ده‌که‌وته‌وه‌. تێبینییه‌کی دیکه‌ ئه‌وه‌یه‌ که‌ بڕگه‌که‌ راسته‌وخۆ جێبه‌جێ ناکرێ چونکه‌ ده‌بێ قانونێک ده‌ربچێ‌ و ئه‌و بوارانه‌ی بڕگه‌که‌ بۆی داناوه‌ له‌خۆیه‌وه‌ بگرێ. ئایا ئه‌و قانونه‌ که‌ی ده‌رده‌چێ؟


زمانی کوردی ته‌نیا له‌ کوردستان فه‌رمییه‌
خاڵی جیمی بڕگه‌ی دو ددان به‌هه‌مو به‌ڵگه‌نامه‌کان داده‌نێ که‌ به‌هه‌ردو زمانه‌که‌ نوسرابن. به‌ڵام هه‌رخۆی چ له‌ قانونی به‌ڕێوه‌بردنی ده‌وڵه‌تی پیشوو چ ئێستا دۆکیومه‌نته‌ قانونیه‌کان هه‌ر به‌زمانی عه‌ڕه‌بی ده‌رچون، دانه‌ی ره‌سه‌ن ‌و ئۆرژینال هه‌ر به‌و زمانه‌ چاپکراون ‌و به‌هه‌ند هه‌ڵگیراون. دواتر خه‌ڵکی دیکه‌ به‌ناڕه‌سمی کاری وه‌رگێڕانیان راپه‌ڕاندوه‌. ئاشکراشه‌ وه‌رگێڕان زۆر جیاوازه‌ له‌ دانه‌ی ره‌سه‌ن (ئۆرژینال). گه‌ر هه‌ر گرفتێک له‌سه‌ر ره‌وسه‌نێتی ئه‌و ده‌ستوره‌ بێته‌ پێش ئه‌وا ڕاسته‌وخۆ په‌نا بۆ داڕێژراوه‌ عه‌ڕه‌بیه‌که‌ ده‌بردرێ، له‌کاتێکدا ده‌قی مادده‌که‌ شتێکی دیکه‌ ده‌ڵێ.

له‌و بواره‌دا ده‌کرێ نمونه‌ به‌ یه‌کێتی ئاوڕوپا بهێنینه‌وه‌ که‌ پێش فراوان بونه‌که‌ هه‌ر دوازده‌ زمانه‌کانی وڵاتانی ئه‌ندام زمانی فه‌رمی ‌و ئۆرژینال بون. زمانی فینله‌ندی که‌ ده‌وروبه‌ری 4 ملیۆن که‌س قسه‌ی پێ ده‌که‌ن هاوشانی زمانی ئینگلیزی بو. نوێنه‌رانیان له‌ په‌‌رله‌مانی ئه‌وروپا له‌گه‌ڵ ئه‌وه‌ی زمانی ئینگلیزی و فه‌ڕه‌نسی وه‌ک زمانی دایکیان ده‌زانن به‌ڵام هه‌ر به‌زمانی زگماکیان قسه‌ ده‌که‌ن. ئا‌وڕوپایه‌ک که‌کێشه‌ی نه‌ته‌وایه‌تی تێدا نییه‌ ئاوا ده‌ست به‌زمانه‌کانی ده‌گرێ به‌ڵام لای ئێمه،‌ که‌زمانمان ناسنامه‌مانه‌ ئاوا سه‌ودای له‌گه‌ڵ ده‌کرێ.

خاڵی (د) و(ه) دیسان به‌ ئاڵۆزاوی ‌و ته‌مومژاوی واژه‌ی فه‌رمیبوون شی ده‌که‌نه‌وه‌. چونکه‌ له‌یه‌که‌میاندا "الظوابط التربویه‌ " ده‌کاته‌ مه‌رجی کردنه‌وه‌ی فیرگه‌کان به‌ هه‌ردو زمانه‌کان له‌هی دوهه‌میشدا "ایه‌ مجالات اخرى یحتمها مبدأ المساواه‌" ده‌کاته‌ پێوه‌ر. پرسیار لێره‌دا ئه‌وه‌یه‌ کامه‌ بنه‌مای یه‌کسانی؟ باشه‌ بۆ مادده‌که‌ به‌شێوه‌یه‌ک دانه‌ڕێژرا، بڵێ ئه‌و باره‌ی ئێستا هه‌یه‌ سه‌باره‌ت به‌پاره‌و پول وپاسپۆرته‌کان به‌پێی فه‌رمیبونی هه‌ردو زمانه‌کان بگۆڕدرێ. ئایا ئه‌و بنه‌مای یه‌کسانێتیه‌ واده‌کا که‌ رویه‌کی پاره‌ و پوله‌کان ببێته‌ کوردی؟ یان هه‌ر به‌گوێره‌ی عورفی باوی زمانی سه‌رده‌ست ده‌ڕوا؟

بڕگه‌ی سێهه‌می مادده‌که‌ ئه‌وه‌نده‌ نه‌شازه‌ که‌ له‌بنه‌ڕه‌تدا زیاده ‌"تستعمل المؤسسات والاجهزه‌ الاتحادیه‌ فی اقلیم کوردستان اللغتین" چونکه‌ گه‌ر به‌گوێره‌ی ئه‌و مادده‌یه‌ بێ ئه‌وا که‌ سیفه‌تی فه‌رمانبه‌ردارێتی هه‌یه‌ باقی سنوری عێڕاق ته‌نها زمانی عه‌ره‌بی به‌کار ده‌هێنێ، له‌به‌رامبه‌ردا ده‌بێ له‌ کوردستان هه‌ردو زمانه‌که‌ هاوشان بن. ئه‌و ده‌قاوده‌قییه‌ی بڕگه‌که‌، بڕگه‌ی یه‌که‌م ده‌سڕێته‌وه‌. که‌واته‌ ئه‌و فه‌رمی بونه‌ سنوری له‌گه‌ڵ سنوری هه‌رێمی کوردستاندایه‌. سنوری هه‌رێمی کوردستانیش به‌پێی مادده‌ی 140 بێ تا کۆتایی ساڵی 2007 ده‌خایه‌نێ. که‌واته‌ به‌ گوێره‌ی جێبه‌جێکردنێکی ده‌قاوده‌قی بڕگه‌که‌ بێ زمانی کوردی له‌ به‌شه‌ کوردستانه‌ دابڕاوه‌که‌‌دا به‌که‌رکوکیشه‌وه ‌به‌ره‌سمی به‌کار ناهێنرێ.

مایه‌ی تێڕامانه‌ که‌ دادگای تاوانه‌کانی ئه‌نفال به‌گوێره‌ی بریاری ژماره‌ 10 ی ساڵی 2005 ئه‌نجومه‌نی نیشتمانی عێڕاق به‌ناوی قانونی دادگای تاوانی عێڕاقی باڵاوه‌ ده‌رچوه‌، پرسی زمانی به‌ئاراسته‌یه‌کی جیاواز له‌گیانی ده‌ستور چاره‌سه‌ر کردوه‌. قانونی دادگا له‌دوتوێی هه‌ر 40 مادده‌که‌یدا به‌لای ناوه‌ڕۆکی مادده‌ی چواری ده‌ستوردا ناچێ، به‌ڵکو به‌زه‌قی له‌ مادده‌ 32یدا هاتوه‌: تکون الغه‌ العربیه‌ هى اللغه‌ الرسمیه‌ فى المحکمه‌'. لێره‌دا ده‌کرێ ئه‌و پرسه‌ بکرێ؛ تاچه‌ند ئه‌و مادده‌یه‌ و کارپێکردنه‌کانی ره‌وایه؟ تاچه‌ند ده‌ستوریانه‌یه‌؟

گه‌ر بێت‌‌ و پرسی زمان وه‌ک بابه‌تێکی ناسنامه‌یی لێک نه‌درێته‌وه‌، به‌وه‌ی بگوترێ زمان ته‌نها ئامرازێکی ئاخاوتن‌ و له‌یه‌ک تێگه‌یشتنه‌، بۆیه‌ ئه‌و بایه‌خه‌ چاره‌نوسسازیه‌ی نیه‌ که‌ خۆی له‌قه‌ره‌ی ناسانامه‌بوونی نه‌ته‌وه‌یه‌ک یان گروپیکی کۆمه‌ڵایه‌تی بدا. بۆ بێ بنه‌ماکردنی ئه‌و گوته‌یه‌، ده‌ڵیین گه‌ربێت‌ و هه‌ندێ جار به‌ دابینبونی ده‌رفه‌تی ئازادی ‌و دیموکراسی‌ و په‌روه‌رده‌ی ته‌واو که‌له‌یه‌ک تتێگه‌یشتن‌ له‌کۆمه‌ڵگایه‌کی ته‌واو ئازاد و یه‌کسان ‌و دیموکراتدا وابێ، به‌ڵام له‌زمانی قانون ‌و دادگادا وانیه‌. هه‌ر ڕسته‌ بگره‌ ده‌سته‌واژه‌ و وشه‌یه‌کی، ته‌نانه‌ت ئامرازیکی په‌یوه‌ندی زمان رۆڵی یه‌کلاکه‌ره‌وه‌ له‌تێگه‌یشتن‌ و راڤه‌کردنی ده‌قێکی قانونی یان بریارێکی دادگایی ده‌بێنێ. گرنگیه‌که‌شی زیاتر له‌وه‌دا یه‌ که‌راسته‌وخۆ ژیانی تاکی په‌یوه‌ستیدار به‌ فڵانه‌ قانون ‌و بڕیاری دادگایی له‌سه‌ر به‌نده‌.

ئه‌و قانونانه‌ی سه‌رو له‌ حکومه‌تی فیدرالیه‌وه‌ ده‌رچوون، به‌ڵام کاتێک چاو به‌ قانونه‌کانی خودی هه‌رێمی کوردستانیشدا ده‌خشێنینه‌وه‌‌ ده‌بینین پرسی زمان تاڕادده‌یه‌کی زۆر فه‌رامۆش کراوه‌، چونکه‌ زۆر له‌ قانونه‌کانی هه‌رێم به‌ زمانی عه‌ڕه‌بی ده‌رچون. له‌روی کرده‌ییه‌شه‌وه‌ دادگاکان تا ئێستا هه‌ر زمانی عه‌ڕه‌بی به‌کار ده‌هێنن. ئه‌مه‌ هه‌موی پرسی ته‌واو لیتێنه‌گه‌یشتن له‌ بابه‌تی زمان وه‌ک ناسنامه‌ی نه‌ته‌وه‌یه‌ک ‌و قه‌واره‌ سیاسیه‌که‌ی دێنێته‌ به‌ر باس.
ژێده‌ر:نیقــاش- شه‌فیقی حاجی خدر – 7/11/2007 -

Oct 24, 2007

مريواني‌ها با بمب گوگلي به دفاع از هويت درياچه شهرشان مي‌روند

در اولين اقدام هماهنگ وبلاگ نويسان كرد صورت گرفت
مريواني‌ها با بمب گوگلي به دفاع از هويت درياچه شهرشان مي‌روند

Google_Bomb_Zeribarكوردنيوز :: آژانس خبري مناطق كردنشين گروهي از وبلاگ نويسان مريواني‌ برای حمایت از نام اصلی بزرگترين درياچه آب شيرين جهان ، بمب گوگلي تحت عنوان زريوار راه اندازي كرده‌اند و از اين طريق سعي دارند مردم جهان را با نام واقعي و درست اين درياچه آشنا كنند.
به گزارش كوردنيوز ، اين وبلاگ نويسان كه معتقد به تحريف نام درست اين درياچه هستند با راه اندازي صفحه ای به آدرس lakezarivar.blogfa.com قصد دارند وقتی کاربران كلمه زرێوار، زریوار و Zarivar را جستجو مي‌كنند وارد اين صفحه شده و با اين جمله روبرو شوند که "درياچه‌اي كه شما جستجو كرده ايد در هيچ جايی وجود ندارد چراكه نام صحيح آن زرێبار بوده و هميشه زرێبار باقی خواهد ماند."
همچنين در اين صفحه به جستجوگران توصيه می شود تا با كليك برروي لينك جستجوي اسم درست اين درياچه به دو زبان فارسي و كردي در گوگل و مطالعه كتابهاي تاريخي متقاعد شوند که نام صحيح اين درياچه ، زرێبار(كوردي) ، زریبار (فارسي) وZeribar است نه زرێوار، زریوار و Zarivar .
طراحان اين بمب گوگلي در تلاش هستند با دعوت از ساير وبلاگ نويسان جهت لينک (پيوند) دادن به اين صفحه در وبلاگ های خود و جستجوی مداوم آن در گوگل و باز کردن مکرر وبلاگ ، اين صفحه را براي جستجو برای اصطلاح زرێوار، زریوارو Zarivar به صدر فهرست گوگل منتقل کنند.
اين اولين اقدام هماهنگ و گسترده وبلاگ نويسان كرد در واکنش به مسايل مختلف در اينترنت است.
دریاچه زریبار در يك نگاه
دریاچه زریبار بزرگترين درياچه آب شيرين جهان ، در فاصله ۳ کیلومتری غرب شهر مریوان، در استان کردستان و از مکان‌های دیدنی و گردشگری این استان است. آب اين درياچه از تعدادی چشمهٔ کف جوش و نزولات جوی تأمین می‌شود. در بیشتر زمستان‌ها سطح دریاچه کاملاً یخ می‌بندد. این درياچه در طول جغرافیایی ′۸°۴۶ و عرض جغرافیایی ′۳۲°۳۵ و ارتفاع ۱۲۸۵ متری از سطح دریا واقع گردیده‌است. طول زریبار حدود ۵ کیلومتر و عرض آن حدود ۱٫۶ کیلومتر است. وسعت درياچه به دلیل تغییرات حجم آبی در فصول مختلف متغیر و حداکثر عمق آن ۱۲ متر است.
منبع:www.kurdnews.ir

Oct 19, 2007

تراژدی جاده‌ی ابریشم مریوان _ سقز

 آن زمان که انسان کوه‌نشینی را رها کرد و رو به مدنیت آورد، آن زمان که اکوسیستم دست خورد و زندگی شروع شد، از آن زمان، سنگ های کوه‌های جاده‌ی مریوان-سقز هر سال باران تیره‌ای را از چهره‌شان پاک می کنند. سنگ های دوران های اولیه‌ی زمین شناسی از قعر زمین بالا آمده‌اند. کوه به ستوه آمده‌ است.. ستیغ کوه دارد به جلگه می رسد.. اینجا سلاخ خانه‌ی رودخانه‌ و درختان است.. بهار زیبای "سرشیو" نوید زخم عمیق دوباره‌ی جان کندن را به این سنگ ها و مردنی تدریجی را به پشته‌ها و پرندگان می دهد.. اینجا هر سال با آمدن بهار، طعم مرگ، بوی مرگ، زخم جانکاه‌ بولدوزر و لودر و کمپرسورها بر طبیعت زخم دیده‌ سنگینی می کند.. اینجا جاده‌ی ابریشم نیست، اینجا دیوار عظیم چین نیست، اینجا تونل مانش نیست، اینجا جاده‌ی هزار ساله‌ی مریوان_سقز است.. اینجا افق معنا ندارد، اینجا ابدیت معنا ندارد، انتها معنا ندارد، اینجا آسمان فرو ریخته‌ است، اینجا هوای تیره‌ فراوان و گله‌های پرندگان در ناامیدی هستند.. اینجا پارکینگ لودر و بولدزر و کمپرسورهای زمانه است و هر سال رانندگانشان با آمدن بهار دستگاه های عظیم راه سازیشان را از پارکینگ بیرون می آورند و باز هم نوید بهاری دگر و سالی دگر با هزاران مسافر چشم به راه انتها..
 مسافرانی که از سال ها پیش بین شهرهای سقز _مریوان مسافرت کرده‌اند همواره‌ به‌ دیدن این صحنه‌های پر از خشم بولدوزر و لودر و خاکسترهای سر به فلک کشیده‌، عادت کرده‌اند. همواره‌ به دیدن رودبارهای خون افشان، به دیدن آبشارهای پر از آه و حسرت و جوشش سادگی روستاییان عادت کرده‌اند.. هر سال به دلیل توقف های اجباری که به‌ منظور (مثلا)خاک برداری و لایه‌ روبی کردن مسیر جاده‌ برای مسافران پیش می آید؛ بسیاری از مسافران از دانشجویان و سربازان گرفته‌ تا بیمارانی که به منظور معالجه به سوی شهرهای شمال غرب کشور -به‌ خصوص تبریز-عازمند. این توقف های اجباری باعث شده‌ است که به موقع به سرویس مورد نظر خود نرسند و با تأخیرهای چند ساعته‌ به سر مشکلاتشان برسند.. 
آری..جاده‌ی ابریشم مریوان-سقز سالهاست که مورد بهره‌برداری مسؤلان قرار گرفته‌ است.. هر سال با بهره‌ای فراوان و بهتر!! هر سال با بودجه‌ی فروان و کار اندک، سال را به فصل باران می سپارند و پروژه‌ بهره‌برداری شده‌، را برای سال آینده‌ وا می گذارند.. اما هنوز هیچ بهره‌ای برای مردم در بر نداشته‌ است!! هر سال بهره‌ای فراوان و بهتر برای مسؤلان و شراره‌های انزجار مردم از مسؤلان فزون تر..

  بحث مسافر کش های درجه‌ 3 بحث دل به دریا افکندن هاست.. بحث مینی بوس های از رده‌ خارج، با تاریخ مصرفی زنگار زده‌.. بحث مینی بوس های نعش کش، در حکم شترهای از کاروان برگشته‌، خسته‌ و رنجور، مینی بوسهایی که سال های متمادی است که طلوع خورشید را در آغوش و غروب خورشید را در این دو شهر به سر منزل نشانده‌اند.. شب و روز و زمستان های برفی و راه صعب العبور را با جان دل خریده‌اند.. نه تنها مسافر کش بوده‌اند، بلکه بارکش و حتی حیوان کش هم بوده‌اند.
آری اینجا نه تنها برای مینی بوسها بلکه‌ برای انسانها زمان ایستاده‌ است. راه انتها ندارد. آری اینجا گوشهای ناشنوا فریاد سکوت بغض آلود جاده‌ و سنگ و کوه‌ و درختان و مسافران را نمی شنوند.. اینجا تراژدی‌وار به تاریخ می پیوندد.

Oct 13, 2007

بژی مزگه‌وت ، بڕوخێ قوتابخانه

دیتنی ئه‌م هه‌واڵه‌ ده‌م باته‌وه‌ بۆ ئه‌و رۆژانه‌ی که‌ چۆن بۆ کڕینی تۆپ یان ئیسفاڵت کردنی حه‌وشی قوتابخانه‌ ده‌بوایه‌ ده‌س و دامێنی منداڵان ببوایه‌ین و ئه‌وانیش ده‌س به‌ دامێنی باوکانیان ببوایه‌ن و تا کوو هه‌ر قوتابیه‌ک به هه‌زاران بۆڵه‌ بۆڵی باوکی بیتوانیایه‌ت 200تمه‌ن یان 500تمه‌ن له‌ باوکی بسێنێت ... تا ئه‌و پاره‌یه‌ ده‌گه‌یشته‌ ده‌ستی قوتابخانه‌ هه‌زاران تف و له‌عنه‌ت و شه‌کره‌ جوێنیان بار ده‌کردین .. به‌م کاره‌یان ده‌گووت "همکاری اولیا و مربیان" جا وه‌رن سه‌یری ئه‌م هه‌واڵه بکه‌ن هه‌ر بڵێن گرانیه‌ و وشکه‌ ساڵیه‌ و ده‌یان تڕه‌هاتی دیکه‌...

رۆژنامه‌ی "خورشید" له‌ ژوماره‌ی رۆژی دووشه‌مه‌ 15 ره‌زبه‌رساڵی 87ی هه‌تاوی دا ئاماژه‌ به‌وه‌ ده‌دا که‌ بڕه‌ پاره‌ی مزگه‌وته‌کان 5 قات ده‌بێته‌وه‌!!!!! که‌ به‌م 5 قات بوونه‌وه‌یه‌ ئه‌م ساڵ 600میلیارد ریاڵ واته‌ 60،000،000،000 تمه‌ن...  که‌ دابه‌ش ده‌کرێ به‌ سه‌ر 20هه‌زار و 66 مزگه‌وت دا.
هه‌ر مزگه‌وتێک نزیک به 3میلیونی به‌ر ده‌که‌وێ (بۆ ساڵێک) ئه‌مه‌ له‌ لایه‌ک... له‌ لایه‌کی دیکه‌وه‌ جه‌ماعه‌تی ئه‌لقاعیده‌ش هه‌رخه‌ریکی مزگه‌وت به‌خێو کردنن... له‌ لایه‌کی ئه‌و لاتریش هه‌ر بتهه‌وێت بۆ نمونه تۆزێ ده‌سکاری دیوارێکی مزگه‌وتێک بکه‌یت، ده‌یان سواڵکه‌ر ده‌خه‌نه‌ ناو خه‌ڵکی بۆ پاره‌ کۆ کردنه‌وه‌...قوتابخانـه

خه‌ڵکی که‌ بۆ قوتابخانه‌ی منداڵه‌که‌یان به‌ شه‌ڕه‌وه‌ شتێکیان ده‌دا... ده‌س ده‌که‌ن به‌ لا گیرفانیان دا له‌ به‌ر چاو ئه‌م و ئه‌و که‌ به‌ڵێ، خه‌ڵکی بزانن من خه‌ریکم "باقیات الصالحات" ده‌نێرم بۆ سه‌ر پرده‌که‌ی "صراط"!!

Sep 27, 2007

ته‌می خه‌مان قانگی داوم

ئازارێکی سه‌رسووڕهێنه‌ر پایتا په‌یتا پال به هه‌ناسه‌مه‌وه‌ ده‌نێ؛ و وه‌ک هه‌ناسه‌یه‌کی قووڵ خۆیی ده‌خاته‌ ده‌ره‌وه‌...
هه‌ست به‌ ئازارێکی پڕووکێنه‌ر ده‌که‌م... هه‌ورێ چڵکن سه‌رتاسه‌ری له‌شمی داگرتووه‌... دۆڕاندن سه‌ری تێکردووم .. زۆر کات به‌ زۆر له‌شم له‌ سه‌ر قاچم بار ده‌که‌م.. تا راده‌یه‌ک که‌ به‌ ته‌واوی له‌ سه‌ر جمگه‌کانی له‌شم کاریگه‌ری هه‌بووه‌.. له‌رزینی ده‌سته‌کانم زیاتر و زیاتر بووه‌.. هیچم پێ ناکرێ بۆیان به‌س سه‌یریان ده‌که‌م هه‌ستیش به‌وه‌ ده‌که‌م، که‌ خه‌ڵکی چۆن به‌زه‌یان دێته‌وه‌ پێم دا و له‌ روویان نایه‌ بڵێن ئه‌رێ کاکه!‌ بۆ وا ده‌ستت ده‌لرزی و تووشی شه‌قشه‌قه‌ هاتووی له‌م ته‌مه‌نه‌ که‌مه‌ دا..

 دڵم بووه‌ته‌ مه‌کۆی خه‌مان... رۆژ نیه‌ له‌م مه‌مله‌که‌تی الله‌اکبره‌ دا ده‌یان که‌س نه‌کووژرێت، ده‌یان که‌س بڕیاری سێداره‌یان بۆ ده‌رنه‌چێ، ده‌یان که‌س نه‌فرۆشیه‌ت، ده‌یان که‌س گورچیله‌ی خۆیان نه‌فرۆشن، ده‌یان که‌س له‌ش فرۆشی نه‌که‌ن، ئه‌ویش بۆ چی؟
ته‌نیا بۆ تێر کردنی زگێکی برسی!!!
بایه‌خی مرۆڤ و ده‌عبا وه‌ک یه‌ک وایه‌، بایه‌خی هێستر و مرۆڤ وه‌ک یه‌ک وایه‌ _هه‌ر وه‌ها که‌ له‌ یه‌کێک له‌ ئاوایه‌کانی مه‌ریوان دا کچێکیان گۆڕیوه‌ته‌وه‌ به‌ هێسترێک!!!؟؟
له‌م مه‌مله‌که‌تی _مستضعفان و پابرهنگان_ ‌دا قه‌ڵه‌م بایه‌خی نیه‌ ، نووسین بایه‌خی نیه‌، کتێب بایه‌خی نیه‌، رۆژنامه‌ بایه‌خی نیه‌، رۆژنامه‌ نووسیش تاوانباره‌ وڵاتێک که‌ پر بێت له‌ درۆ و دزی و حیزی و به‌رتیل و ده‌یان شتی تر؛؛ زیندوو مانه‌وه‌ و دیتنی ئه‌م دیمه‌نه‌ ناحه‌زانه‌ بۆ خۆی سه‌دان هونه‌ره‌...
ئیتر تێر کردنی زگی منداڵه‌کانت، پۆشته‌ و په‌رداخ کردنی جل و به‌رگیان بوه‌ته‌ ناسۆرێک، (ئه‌ڵبه‌ت ته‌نیا بۆ چینێک)..
ئه‌وه‌تا ئه‌و که‌سانه‌ی که‌ به‌رده‌وام خه‌ڵکی هان ده‌ده‌ن بۆ هاتنه‌ سه‌ر سندووقه‌کانی ده‌نگ دان و به‌رده‌وام خۆیان به خه‌م خۆری چینی بن دست و بێ ده‌ره‌تان له‌ قه‌له‌م ده‌دا !!! هه‌ر یه‌که‌یه‌ک له‌و (با بڵێن) نوێنه‌رانه‌ی خه‌ڵکی له‌ په‌رله‌مان دا بڕی 100 میلیون تمه‌ن پاره‌یان وه‌ک وام پێ دراوه‌ ئیتر جاران که‌ شه‌هرامی جه‌زایه‌ری ببوه‌ بنێشته‌ خۆشه‌ی سه‌ر زاران، ئه‌وا ئه‌مڕۆکه‌ ته‌واوی نوێنه‌رانی مه‌جلیس هه‌ر یه‌که‌یا‌ن شه‌هرامێکن..  

راده‌ی‌ جاشیه‌تی بۆ حکوومه‌تی ناوه‌ندی و القاعده‌ و حیزبه‌کان و ته‌نانه‌ت بۆ ده‌وڵه‌مه‌نده‌کانیش رۆژ له‌ دوای رۆژ له‌ به‌رز بوونه‌وه‌ دایه‌. له‌م وڵاتی (مستضعفان و پا برهنگان)دا... سه‌دان که‌س مل که‌چی ده‌وڵه‌ت و حیزبه‌کانن و له‌ سه‌ر مووچه‌ و جیفه‌ی ئه‌وان خه‌ریکی کاسه‌ لێسین و دروشمی بژی کۆیلایه‌تی یان به‌رز راگرتوه‌..

به‌رده‌وام له‌ سه‌ر تا سه‌ری مێژوو دا چینێک له‌ کۆمه‌ڵگا بوونه‌ته‌ به‌ردی ژێر هاڕه‌ی ئاش و ده‌سته‌یه‌کی تر به‌هره‌ی ئاشه‌که‌یان خواردوه‌.. چینی هه‌ژار خه‌بات گێڕ بوون و ، چینی ده‌وڵه‌مه‌ندان _ وه‌ک خۆیان ده‌ڵێن _خه‌بات پارێز بوون و له‌ سه‌روی حکوومه‌ته‌وه‌ بوون ..

جا به‌ ده‌س ئه‌م هه‌موو ناسۆر و برین و ئێش و ئازارانه‌وه‌ قه‌تاریش ده‌س ناکه‌وێ خه‌مانی پێ بار که‌یت.........

Sep 13, 2007

سروه سروه‌ی قه‌دیم!

له به‌ر ده‌رکی یه‌کێ له رۆژنامه‌فرۆشه‌کان "سروه"‌سه‌رنجی راکێشام. په‌لم هاویشت و به‌نییه‌تی جاران و به‌یادی یاران له ئامێزم گرت. سروه ‌ئه‌و سروه‌یه‌ نه‌ما‌بوو که ‌ساڵه‌کانی 1988 و 89 هێز و وره‌ و تینی ده‌خسته دڵمه‌وه... وه‌ک فرچک و هه‌وێنێک بوو بۆ من، که مێشک و هه‌ستم پێ زاخاو ده‌دا. به‌داخه‌وه هه‌ر زۆر گۆرابوو له‌ڕ و لاواز و بێ ده‌ره‌تان. نه ده‌ب ده‌به ‌و گه‌ب گه‌به‌یه‌ی جارانی بوو. نه هومێدێکیش بۆ درێژه‌ی خه‌باتی ساڵانی دور و درێژی!!! زۆرم به‌زه‌یی به خۆم و به سروه‌ی ئازیز دا هاته‌وه. به ناچاری 500 تمه‌نم بۆ خه‌رج کرد، تا کوو بیره‌وه‌ریه‌کانی ساڵانی دوور و درێژم بۆ زیندوو بکاته‌وه .. به‌ڵام هه‌ر زووخاوی ده‌رخوارد دام.. ده‌ک به‌زیاد نه‌بێ ئه‌م وه‌زعه ئاخر سروه و دوو ژوماره (258-259) له 74 لاپه‌ڕه‌دا و نیوه‌شی فارسی بێت یانێ چی؟؟؟؟!!!
به‌راستی، سروه‌ش، هه‌ر سروه‌ی قه‌دیم!

Aug 23, 2007

هه‌ر له‌به‌ر خۆمه‌وه‌ ..

وه‌ڵاهی وه‌بیلاهی و تیلاهی و میلاهی ئه‌وه‌نده‌ گێره‌ و کێشه‌ زۆره‌ نامپه‌رژێ جار و بار سه‌ردانی ئه‌م کولانه‌یه‌ش بکه‌م.. ئه‌م‌ ماوه‌یه‌ ئه‌وه‌نده‌ له‌ دوایی خانوودا گه‌ڕاوم ئه‌ژنۆم سواوه‌.. نه‌ک بڵێی له‌م شاره‌ زه‌به‌لاحه‌دا (ورمێ )خانووی تێدا نیه‌ بۆ کرێ.  به‌ پێچه‌وانه‌ خانوو زۆرن به‌ڵام به هۆیی گه‌مارۆ نه‌گبه‌ته‌ی که‌ سه‌ر ئێران که‌وتوه‌ شته‌کان و پیداویستیه‌کان رۆژ له‌ دوای رۆژ له‌ فڕین دان .. و ته‌نها چینی مووچه‌ خۆر و کرێکار ده‌فله‌قێنێ.. سه‌نته‌ره‌کانی کڕین و فرۆشتنی خانوو و به‌کرێدان ده‌میان گۆتره‌یه‌، هه‌رچی به ده‌میان دا هات ئیتر ئه‌وه‌ نرخه‌که‌یه‌تی...
ره‌مه‌زانیش وه‌ک قۆرت له‌م ناوه‌دا وه‌ک دێوی قات و قڕی و شپرزه‌یی سه‌ری هه‌ڵداوه‌ و هه‌رچه‌نده‌ زۆربه‌ی خه‌ڵکی به‌رۆژوو نین به‌ڵام ئه‌مه‌ ئیتر بیانوویه‌کی چاکه بۆ سه‌رمایه‌داران که نرخی پێداویستیه‌کان به‌رز که‌نه‌وه‌ و ده‌وڵه‌تیش هیچ گوویه‌کی پێ ناخورێ..
"فوڕم اقتصادی خانواده"‌یان داناوه‌ بۆ که‌ر کردنی خه‌ڵک؛ که‌ ئیمه‌ چه‌نده‌ واین له‌ بیری ئێوه‌دا خه‌ڵکی له‌ بنکه‌کانی دانه‌وه‌ی ئه‌م فوڕمانه رۆژانه‌ به ده‌یان جار به شه‌ڕ دێن وا ده‌زانن ده‌وڵه‌ت هه‌ر ئه‌م درۆیه‌ نکردوه‌.. وا ده‌زانن ئه‌و کۆمه‌ک خه‌رج (یارانه) ئێستا وا له‌ گیرفانیان دایه‌..
به‌رقیش(کاره‌با) هه‌موو رۆژێک چاویک ئه‌ترووکێنی له‌ خه‌ڵک و ئه‌روات و رۆژانی وا هه‌یه‌ به رۆژ 2 کاتژمێر و شه‌ویش 2 کاتژمێر خۆیی ده‌شارێته‌وه‌.. ئیتر به‌رنامه‌ی ناوه‌کی پیتاندیومی یورانیوم ده‌ڵێن بۆ مه‌به‌ستی ئاشتی خوازانه ده‌یان هه‌وێ!! ئه‌م مه‌به‌سته‌ بۆ که‌ی ده‌گاته‌ به‌رۆ .. یان مه‌گه‌ر بۆ قه‌بری باوکیان...
"جه‌نه‌تی" ئیمام جومعه‌ی تاران فه‌ڕڕڕڕڕڕڕڕڕموویانه:"خه‌ڵکی ده‌بێ له‌ به‌رانبه‌ر ئه‌م گرانیه‌ سه‌ر سووڕهێنه‌ره‌دا سه‌بر و خۆراگری له‌ خۆیان پیشان بده‌ن... "

Jul 13, 2007

شێعر

' پێنــووس '                  بۆ منداڵان

  پێنووسه‌که‌ت هه‌ڵگـــــــره‌         تێنووسه‌که‌ت پڕۆکـــــه‌

  پیت و وشه‌ی جوان رێخـه‌          ئاوێته‌ی خوێنی دڵ که

   بڵـی ئه‌وه‌ی نیزامـــــــــه‌          که‌ دوژمنی کوردانـــــه‌

  هه‌مووی له من حه‌رامــه‌          فه‌رمووده‌ی با پیرانمــه‌

  بڵــێ له‌م کوردستانــــــه‌          له‌ سه‌ر ئه‌م نیشتمانـــه

  پێنووسه‌که‌م ئاڵامــــــــه‌          عه‌شقی وڵات  له‌ لامــه‌

  ده‌یپارێـزم گیـانمــــ ـــــه‌           تا دونیــا به‌رده‌وامـــــــه‌



سه‌وڵاوا
20ره‌شمه‌ی 80ی هه‌تاوی

Jun 23, 2007

"تۆم و به‌تاڵی"


له ژیانی خه‌ڵکی لای ئێمه‌ ، که وڵاتانی پێشکه‌وتوو پێمان ده‌ڵێن جیهان سێهه‌م ، یه‌کێک له ئامێره‌ سه‌ره‌کیه‌کانی رابواردن 'تۆم'ه .. ژنی به‌رده‌رکه‌ نشینی لای ئێمه‌ _که‌ هه‌لی چالاکیان زۆر که‌مه‌_ یان پیاوی به‌تاڵی لای گوێسه‌بان و سه‌ر حه‌وز و سه‌ر شه‌قامه‌کان !! له کاتی بێ ئیشی دا زۆربه‌یان په‌نا بۆ شه‌وچه‌ره‌ به‌ تایبه‌ت تۆمه‌ ڕه‌شه‌ ده‌به‌ن. .
نازانم راده‌ی به‌کارهێنانی ئه‌م شته‌ ناحه‌زه‌ لای خه‌ڵکانی وڵاتانی دیکه‌ چۆناوچۆنه‌ .. به‌ڵام له‌وه‌ی دڵنیام که باشترین ئامێری رابواردن جیا له کامپیوتر و گۆڤار و رۆژنامه‌کان ئه‌گه‌ر تۆم بێت به شێوه‌یه‌کی جوان ده‌یخۆن و ژێر پێ و شوێنه‌ گشتیه‌کانی پێ پیس و پۆخڵ ناکه‌ن..

Jun 13, 2007

'ئه‌نجومه‌ن'ه‌ کان یان نێرگه‌له


نازانم سه‌باره‌ت به‌ نێرگه‌له‌ یان قلیان چه‌نده‌ زانیاریتان هه‌بێ زانیاری وه‌ها نه ، که له کوێ دروست کراوه‌ یان یه‌که‌م جار کێ دروستی کردوه‌.. به‌ڵکوو سه‌باره‌ت به ئیشی نێرگه‌له‌ ..
به بڕوای من NGO کان به گشتی تاڕاده‌یه‌ک وه‌ک نێرگه‌له،‌ شان به شانن و له‌ یه‌ک ده‌چن .. ئه‌گه‌ر نێرگه‌له‌ بۆ چه‌ند ساتێک که‌سیک هه‌بی جوان مژی لێ بدات و سكڵ و ئاوی بۆ دابین بکات زۆر به جوانی ده‌بووژێته‌وه‌ .. ئه‌نجومه‌نه‌کانیش وه‌هان.. ئه‌گه‌ر که‌س یان که‌سانێک هه‌بن هه‌ست و ئه‌وین و خۆشه‌ویستی زمان و کولتوور و نیشتمانیان له دڵدا بێت .. به‌ره‌ به‌ره‌ ده‌بووژێته‌وه‌ به‌ڵام ئه‌گه‌ر ئه‌و که‌سانه‌ش نه‌مان که‌ شێعرێک وتارێک یان بۆنه‌یه‌ک ساز بکه‌ن .. ئیتر ئه‌مێنێته‌وه‌ و خۆڵه‌مێشێک و ناوێک..

جیا له‌مانه‌ش ئه‌ندامان ده‌ست ده‌که‌ن به خراپه‌ کووتن له‌م و له‌و و له‌ خۆیان و هه‌ر وه‌ها تاوانبار کردنی یه‌کتر.. فڵانی جاشه‌.. فڵانی کۆمه‌ڵه‌یه‌.. فڵانی پ.ک.ک یه‌ .. فڵانی حیزه‌ هه‌ر له‌ به‌ر کچان ده‌هاته‌ ئه‌نجومه‌ن.. فڵانی دزه‌ هه‌موو پاره‌ی ئه‌نجومه‌نی هه‌ڵلوشی..

ئه‌و که‌سانه‌ش که‌ به‌ دڵه‌وه‌ ئیشیان کردوه‌ ، به ده‌یان تۆمه‌تی دیکه‌ ده‌که‌ونه‌ به‌ندیخانه‌ و سزا و ئه‌شکنجه‌ و هتـــــــد...

May 23, 2007

یادێک له‌ مازووی خۆشه‌ویست!!

هه‌بوو، نه‌بوو، بێجگه‌ له‌ مازوو هیچ که‌س نه‌بوو.. مازوو ئه‌و بوونه‌وه‌ره‌ بوو که‌ خۆیی حه‌شار دابوو له‌ گۆره‌ویه‌کان دا... هه‌ر که‌س ده‌هاته‌ لای لێی ده‌پارایه‌وه‌ و دیگووت "وه‌ره‌ ده‌رێ مازوو.."
مازوو هیچ که‌ نه‌ده‌هاته‌ ده‌ره‌وه‌ به‌رده‌وام ئه‌م گۆره‌وی و ئه‌و گۆره‌وی به هه‌ڤاڵانی خۆی ده‌کرد.. له‌ ناکاو شۆڕش تێک چوو.. مازوو بزر بوو.. مازوو له‌ پڕیک گوم بوو نه‌ له‌ مه‌سنجر نه له‌ بلاگه‌که‌ی نه له‌ نێو گۆره‌ویه‌کان دا ده‌رنه‌که‌وت..
مازوو بوو به کاریزما.. هاوڕێیانی بۆنی به‌رد و ئاو و کانیاو و مووچه‌ و مه‌زرایان ده‌کرد و به‌رده‌وام گۆره‌ویان ده‌کڕی که‌ به‌ڵکوو له‌ نێو یه‌کێکیان دا بیدۆزنه‌وه‌.. 
به‌ڵام وا ئێستا مازوو سێ مانگه‌ دیار نیه‌؟؟!! ئاخۆ چی به‌ سه‌ر هاتبێ؟؟!!

به‌ڵام مازوو گیان! به راستی بێ تاقه‌تت بووین!! هیوادارم له‌ پێشدا نه‌گیرابی ئه‌گه‌ر گیراوی زه‌نگ بده‌ بۆ (لوله‌ بازکنی)، دواتر هیوادارم نه‌مردبی!! ئه‌گه‌ر مردبی ئیتر هیچمان له‌ ده‌ست نایه‌ت.. چونکا نه‌و‌توانی وه‌سیه‌ت نامه‌یه‌ک بنووسی هه‌ر خۆم چاکم کرد که‌ وه‌سیه‌ت نامهیه‌کم نووسی..
ئه‌و دوو مریشکه‌ش (سه‌رخڕ و سه‌ره‌خه‌ر)که‌ بانگه‌وازم بۆ کردن و هه‌ر نه‌هاتنه‌وه‌ چاک بزانن، وه‌ک تۆیان پێ ناکرێ.. که خۆیان بکه‌ن به‌ کاریزما.. به‌ڵام جارێ ئاگام لێیانه، که چۆن‌ له‌م کون و قوژبنانه‌دا هه‌لده‌ترووشکێن بۆ هێلکه‌ کردن؟؟ ئه‌م جاره‌ ئه‌گه‌ر نه‌یه‌نه‌وه؛‌ ئاو کوڵاتوو ده‌که‌م به سه‌ریان دا و ئاوه‌ رووتیان ده‌که‌م.. و فاتێحایه‌کیان بۆ داده‌خه‌م.. (به‌ڵام به‌ ئه‌سته‌م دایده‌خه‌م نه‌وه‌ک بشکێ..)

به‌ڵام مازوو گیان ! وا ئێستا که‌ سێ مانگه‌ نه‌ماوی به‌ڵێن ده‌ده‌ین به خۆت و مانیفسته‌که‌ت، به‌ڵێن ده‌ده‌ین به ماڵه‌ چۆڵ و هۆڵه‌که‌ت .. به‌ڵێن ده‌ده‌ین به‌ قه‌شمه‌رئاوای سه‌ربه‌رز.. که‌ رێگا و ئامانجی به‌رزت بپارێزین.. دوژمنانیش چاک بزانن که ئه‌گه‌ر هه‌زاری وه‌ک تۆ و ئه‌و دوو مریشکه‌ش (سه‌رخڕ و سه‌ره‌خه‌ر)نه‌مێنن، ئه‌وا به ته‌نێ خۆم ئاوایی ده‌پارێزم و  ناهێڵم به‌ر (کوچه‌ تراشی) بکه‌وێت..

به‌ بۆنه‌ی خۆشه‌ویستی مازووه‌وه‌، ئه‌م بابه‌ته‌شم له‌ "قه‌شمه‌رئاوا" دا داناوه‌..

May 13, 2007

وێنه

هاتن به‌ ده‌سی خـۆم نه‌بوو هێنـایانـم
ده‌رچوونه‌ ده‌ریش چۆن و که‌یه‌؟ نازانم


سه‌د خۆزگه‌ نه‌هاتبام ، نه‌چووبام ، نه‌ببام
له‌م گێـره‌ و کێشـه‌دا ڕه‌حه‌ت با گیانــم
                                                          "خه‌ییام"

Apr 30, 2007

من و خوێندنه‌که‌م(3)

من و خوێندنه‌که‌م(3)

ناوه‌ندی په‌روه‌رده‌ی مامۆستایانی شه‌هید ره‌جایی شاری ورمێ له‌ ساڵی 1360ی هه‌تاوی، یه‌عنی گه‌رمه‌ی شه‌ڕه‌که‌ی ئێران و عێراق کراوه‌ته‌وه‌. ئه‌م ناوه‌نده‌ که‌ تایبه‌ت به په‌روه‌رده‌ی مامۆستایه‌، وه‌ک باقی ناوه‌نده‌کانی ئێران بریتیه‌ له‌ چه‌ند شوقه‌یه‌ک وه‌ک جێگای نووستنی قوتابیان، که‌ بۆ هه‌موو شتێک ده‌بێ ته‌نیا بۆ حه‌وانه‌وه‌ نه‌بێ،‌ چوونکا هه‌ر ژوورێک حه‌فده‌ تا بیست که‌سی تێدا ده‌ژی.
شوێنی خواردنه‌کشمان تاراده‌یه‌ک پیس و پۆخڵ، چێشته‌کانیشمان که‌ ئیتر هیچ باسیکی ناوێ که‌ چه‌نده‌ ناحه‌زن به‌ڵام چوونکا زۆربه‌ی نیمچه‌ مامۆستاکانی داهاتوو له‌ چینی لاخوار و که‌م ده‌سه‌ڵاتی کۆمه‌ڵگا هاتوون،(یه‌کێک نه‌زانێ خۆم بورژوام) وه‌ها ده‌می بۆ ده‌ته‌قێنن و ده‌س به‌رز ده‌که‌نه‌وه‌ شووکرانه‌ بژێری ده‌که‌ن ئه‌ڵێت چێشتیان نه‌خواردوه‌ هه‌ر ئه‌م چێشته‌ گه‌رم کراوانه‌ نه‌بێ.. چایه‌که‌شی پریان کردووه‌ له‌ کافوور و زه‌ردی زه‌رده‌...  وه‌ک شێخ ره‌زا(ع) ده‌فرمێ:"چایه‌که‌ی مامه‌ غه‌فورم ئه‌وه‌نده‌ زه‌رده‌ به‌ دوو تڕ گه‌رم ده‌بێ" به‌ڵام ئه‌م چایه‌ به‌ یه‌ک تڕیش گه‌رم ده‌بێ..
چه‌ند که‌سێکمان ویستمان له‌ بارودۆخ و گرانی خوارده‌مه‌نیه‌کان ناڕه‌زایه‌تییه‌ک ده‌بڕین، هێج که‌ باری خواردنه‌کان هه‌ر فه‌رقی نکرد به‌ڵکوو خواردنی نیوه‌ڕوان که‌ پێشتر به 1000تمه‌ن بوو، کردیان به 1200 تمه‌ن!! "بۆ ریش چووین و سمێڵیشمان نا له‌با‌نی"...

کتێبخانه‌یه‌کی سوونه‌تیشمان هه‌یه‌ که‌ به ره‌وشی کۆن ئیداره‌ ده‌کرێ و هه‌ر قووتابیه‌ک بیهه‌وێ په‌رتووکێک وه‌ر بگرێ ئه‌بێ ئه‌وه‌نده‌ به ناو فایله‌کان دا بگه‌ڕێ که‌ له‌ بیریشی ده‌چێته‌وه‌ بۆ چی هاتووه‌..

شوینی وه‌رزش و یاری کردنمان ئه‌وه‌نده‌ دواکه‌وتووانه‌یه‌ که‌ ته‌نانه‌ت بێزم دێت هه‌ر باسیشی لێ بکه‌م.. تۆپێک ده‌ده‌نه‌ ده‌ستمان و ئاده‌ی ده‌سه‌ به‌ش بکه‌ن به‌تێکرا مامۆستایانی 22 تا 45 ساڵانمان شوێن تۆپ ده‌که‌وین، وه‌ک منداڵیمان که‌ به‌رده‌وام مامۆستای وه‌رزشمان ئه‌م کاره‌ی ده‌کرد، لێره‌ش دا هیچ فه‌رقیکی نه‌کردوه‌.. ئیتر‌ فێر کردنی ته‌نانه‌ت چۆن شه‌ق لێدانێکشمان نیه‌.. له‌ کاتی تاقیکردنه‌وه‌مان دا ده‌بێ به سه‌ر شلنگێک(سۆنده‌)یه‌ک هه‌ڵ به‌زین و داخه‌ینه‌وه‌ له‌ ماوه‌ی 30چرکه‌دا.. ئه‌مه‌ش یاری و وه‌رزشه‌که‌شمان!!!!!

ناوه‌رۆکی وانه‌کانی ئێمه‌ که‌ خه‌ریکی خوێندنی لقی 'دینی و عه‌ربی'ن زۆربه‌یان باسی 'کلام و فلسفه‌ و عرفان و تفسیر و سیره‌ی پیامبر و معصومین' به‌زۆریش له‌ بیرۆکه‌کانی 'مطهری و طباطبایی' که‌ڵک وه‌ر ده‌گرن... وه‌ک هه‌وێنێکش تۆزێک عه‌ره‌بێشمان پێ ده‌ڵێن که‌ قه‌ناحه‌ت هه‌بێ ئه‌و ده‌مانه‌ی که‌ له‌ دوا ناوه‌ندی بووم پتر عه‌ره‌بیم ده‌زانی تا ئێستا !!!!

مامۆستاکانیشمان وه‌ک شێوازی مامۆستاکانی ئێران زۆربه‌ی کات به ده‌س ئه‌م بێسه‌وادی ئێمه‌وه‌ گیر ده‌که‌ن و له‌ وڵام دانه‌وه‌ دا ده‌مێننه‌وه‌.. بۆ نمونه یه‌کێکیان رۆژێک ده‌هه‌ویست باسێکمان بۆ بکات به‌ڵام قوتابیه‌کان رازی نه‌ده‌بوون به‌و شته‌ی که‌ مامۆستا ده‌ی کووت.. هه‌ر بۆیه‌ مامۆستا به ناچاریه‌وه‌ کووتی:"ئێوه‌ خۆ له من موسڵمان تر نین؟؟ سه‌رمان سڕ مابوو له‌م شته‌ که‌ وتی.. درێژه‌ی پێدا و کوتی:"ئاخر من ریشم هه‌یه‌ و ئێوه‌ نیتانه" !!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟
له‌ ئێران دا له‌ به‌ر ئه‌وه‌ی که‌ خوێندن تا راده‌یه‌کی زۆر بێ بایه‌خ بووه‌، یان باشتره‌ بڵێم ئاستی وه‌رگرتنی مه‌دره‌ک له‌ پێشکه‌وتن دایه‌؛ تا راده‌یه‌ک که هه‌ر بنه‌ماڵه‌یه‌ک سێ- چوار ماسته‌ر(لیسانس) بێکاریان هه‌یه‌ که‌ له کیسه‌ی بابیان ده‌خۆن.. هه‌ر بۆیه‌ ها‌تن به‌ره‌و رووی ئه‌م ناوه‌ندانه‌ به شێوه‌یه‌کی سه‌رسووڕهێنه‌ر له‌ په‌ره‌ سه‌ندن دایه‌. چوونکا هه‌ر قوتابیه‌ک که‌ دێت بۆ ناوه‌ندی بارهێنانی مامۆستا هه‌ر له‌ هه‌وه‌ڵی ده‌رس خوێندن، تاکوو سی ساڵ دوای ئه‌وه‌ی که‌ خه‌ریکی ده‌رس کووتنه‌وه‌یه‌، مووچه‌ی هه‌یه‌.. ته‌نیا مه‌رجێک بۆ درێژه‌ دان به مامۆستای ئه‌وه‌یه‌ که‌ وه‌ک مه‌ڕ سه‌ر داخه‌یت و کارت به کاری که‌س و هیچ شتێکه‌وه‌ نه‌بێت و تا سه‌ر ئێسقان گه‌مژه‌ش بیت.. ئه‌گه‌ر له‌مه‌ زیاتر بیرێکی ترت هه‌بێ، بڕاوت هه‌بێ که‌ وه‌ لات ده‌نێن ئه‌گه‌ر 20ساڵیشت کار کرد بێ!!!!!!

ته‌واو

Apr 23, 2007

من و خوێندنه‌که‌م (2)


شاری ورمێ به کوردی، به فارسی ارومیه‌ و رضائیه‌.. هه‌ڵکه‌وتوو له‌ باکووری رۆژئاوای ئێران و رۆژهه‌ڵاتی کوردستانی گه‌وره‌یه‌.. ئه‌م شاره‌ وێده‌چێ 40تا50 له‌سه‌دی کورد بن.. کورده‌کانی ئه‌م گه‌وره‌ شار‌ی کورده‌، (به داخه‌وه)‌ ئه‌م شاره‌ به هی خۆیان نازانن و وه‌ک غه‌ریبه‌ و میوان له‌م شاره‌ ده‌ڕوانن.. شار به ته‌واوی مۆرکی ئازه‌ری به خۆی گرتووه‌ و له‌ کورد و کوردایه‌تی هیچ خه‌به‌رێک نیه‌.. ته‌نیا نیشانه‌ی کورد بوون هه‌ر ئه‌وه‌نده‌ ماوه‌ که‌ جار به جار ژنه‌ کورده‌کان ده‌بینی له‌ نێو بازاڕ که‌ به جلی هه‌زار ره‌نگی کوردیه‌وه‌ دێنه‌ ده‌ره‌وه‌ و مانتۆیه‌کیان به سه‌ر کراسه‌که‌یان دا کردوه‌ یان پیاوه‌ به‌ ته‌مه‌نه‌کانیان که‌ کۆت و شه‌ڵواریان له‌ به‌ر کردوه‌ و جامانه‌یه‌کیش به‌ سه‌ریانه‌وه‌!!! ئه‌م دیمه‌نانه‌ ئه‌وه‌نده‌ پارادۆکس ده‌خاته‌ مێشکته‌وه‌، که‌ بێزت له‌ کورد و کوردایه‌تی دێت...
ئیتر هیچ خه‌به‌رێک له‌ نووسین و خوێندنه‌وه‌ی کوردی نیه‌.. ئه‌گه‌ر هه‌شبێت به‌ ده‌گه‌مه‌ن!! له‌ به‌ر مارکی (تجزیه‌طلب) که‌ ته‌نها بۆ کورد داتاشراوه،‌ شاراوه‌یه‌..

کورده‌کانی ئه‌م شاره‌ زۆربه‌یان بادینین که‌ جیا ده‌کرێنه‌وه‌ به دوو لقی شکاکی و هه‌رکیانی.. زاراوه‌کانی دیکه‌ی کوردیش وه‌ک سۆرانی لقی موکریان به رێژه‌یه‌کی به‌رچاو ده‌بینرێن.. سه‌یر و سه‌مه‌ر ئه‌وه‌یه‌ که‌ زۆربه‌ی کورده‌کانی ئه‌م شاره‌ زمانی ئازه‌ری به پاراوی ده‌زانن به‌ڵام درێغ له‌ ئازه‌ریه‌ک که‌ کوردی بزانێت.. ئه‌م ناوچه‌یه‌ی که‌ ئێمه‌ی لێی داده‌نیشین کوردن هه‌ر کات ده‌ڕۆم بۆ نانه‌واخانه؛ هه‌ر که‌س که‌ دێت ده‌پرسێت بۆ ئاخر نه‌فه‌ر به ئازه‌ری ده‌پرسێت!!! ده‌شزانێ که‌ ئه‌و که‌سانه‌ی که‌ وه‌ستاون بۆ نان کوردن نه‌ک ئازه‌ری...
کورده‌کانی ئه‌م شاره‌ له‌ بواری ماڵیه‌وه‌ یان زۆر ده‌وڵه‌مه‌نن یان زۆر فه‌قیرن.. ده‌وڵه‌مه‌نه‌کان مووچه‌ و مه‌زرا و باخی باشی ترێ و سێویان هه‌یه‌..بازێکیشیان له‌ ڕێی کڕین و فرۆشتنی ماده‌ سڕکه‌ره‌کان و خواردنه‌وه‌کان(مشروبات)ده‌وڵه‌مه‌ند بووگن.. فه‌قیره‌کانیش به زۆری خه‌ریکی ده‌س فرۆشی مه‌وادی موخه‌در و له‌ش فرۆشین !!!!
له‌ بواری که‌ش و هه‌واوه‌، ئه‌م شاره‌، زستانێکی سارد و هاوینێکی فێنکی هه‌یه‌.. خه‌ڵکی ورمێ زۆربه‌یان جوان چاکن.. قژیان کاڵ و چاویان شین و سه‌وزه‌ و له‌ به‌ره‌که‌تی هێرشی عه‌ره‌به‌کانیشه‌وه‌ سه‌ر ڕه‌ش و روومه‌ت ره‌ش و ئه‌سمه‌ر و چاو ره‌شیش که‌م نین..

له‌ بواری چالاکی فه‌رهه‌نگی و کۆمه‌ڵایه‌تیه‌وه‌ زۆر له‌ پاشن.. تا راده‌یه‌ک که‌ زۆربه‌ی کورده‌کان ته‌نانه‌ت نووسین و خوێندنه‌وه‌ی کوردی نازانن.. هه‌ر وه‌ها ئازه‌ریه‌کانیش!!! خه‌ڵکی ئه‌م شاره‌ به تێکرا رێزی میوان و غه‌ریبه‌ و ریش سپی و سه‌ر پیه‌کان ده‌گرن.. و ته‌نها شارێکی دوونه‌ته‌وه‌یه‌ که‌ له‌ چاو باقی شاره‌ ئازه‌ری نشین و کوردنشینه‌کان، که‌مترین کێشه‌ی نه‌ته‌وایه‌تیان هه‌یه‌..

له‌ باری ئایینه‌وه‌ ئه‌م شاره‌ ته‌نها شارێکی ئێرانه که‌ رێژه‌یه‌کی به‌رچاو گاوری تێدا ده‌ژی و حه‌فتانه و ساڵانه رێ و ره‌سمی ئایینی خۆیان به‌ڕێوه‌ ده‌بن.. یه‌کێک له‌ کلێسه‌کانیان ناوی کلێسه‌ی "نه‌نه‌ مه‌ریه‌م"ه‌
کورده‌کان سونین و ئازه‌ریه‌کانیش شێعه‌ن..
یه‌کێک له‌ سه‌یرانگاکانی ورمێ شوێنێکه‌ که‌ پێی ده‌ڵێن "به‌ند" که‌ زیاتر لایه‌نی پیشان دانی ماشێنه‌کان و فیز کردن به ماشێنه‌کانیانه‌وه‌ زیاتر زه‌ق و به‌رچاوه‌ تاکوو رابواردن.. هه‌رچه‌نده‌ که‌ رابوواردن و بزه‌ و خۆشی و پیکه‌نێن له‌ ئێران دا هه‌ر نه‌ماوه‌..



کۆتایی به‌شی دووهه‌م

Apr 18, 2007

من و خوێندنه‌که‌م (1)

من و خوێندنه‌که‌م (1)

ئه‌وا دوا به داوی ئه‌وه‌ی که‌ به‌ تاقیکاریه‌ک که‌ پێی ده‌ڵێن کنکوری فرهنگیان تاقی کرامه‌وه‌.. به‌ شێوه‌یه‌کی سه‌ر سووڕهێنه‌ر ده‌رچووم (له‌ به‌ر ئه‌وه‌ی ده‌ڵێم سه‌رسووڕهێنه‌ر، چوونکا ته‌نانه‌ت کتێبیشم نه‌بوو بۆ خۆ ئاماده‌کردن. یانێ هه‌ر وه‌ک فشقیاتێک رۆشتم بۆ ئه‌م تاقیکاریه‌... به ته‌مای ده‌رچوون نه‌ڕۆشتبووم)
که‌ چی ده‌رچووم..بۆ ئه‌وه‌ی درێژه‌ بده‌م به‌ خوێندنه‌که‌م و ئاستی زانیاری خۆم به‌رمه‌ سه‌ر!!!! به‌ڵام هیچ که‌ ئاستی زانیاریم نه‌چووه‌ته‌ سه‌رێ!! به‌ڵکوو وه‌ک زه‌ختی نه‌خۆشیش به‌رده‌وام له‌ دابه‌زین دایه‌..
ده‌رسه‌کانمان له‌ دوو رۆژ دا دابه‌شیان کردوه‌، یعنی سه‌ر له‌ به‌یانی رۆژی شه‌مه‌ تاکوو ئێواره‌ی رۆژی یه‌ک شه‌مه‌.. جا تێ ترنجانه‌ی ده‌رسه‌کانمان له‌ به‌ر ئه‌وه‌یه‌ که‌ زۆربه‌ی ئه‌و مامۆساتایانه‌ی که‌ له‌گلمانن وه‌ک خوێندکار؛ ده‌بێ له‌ قوتابخانه‌کانی شاره‌کانی خۆشیان ده‌رس بڵێنه‌وه‌.. بێجگه‌ له‌ من و چه‌ند که‌سێکی تر.. جا خۆ من که‌ نیشته‌جێی ئه‌م شاره‌ نیوه‌ کورده‌ واته‌ ورمێ م؛ دوای ئه‌و دوو رۆژه‌، ده‌بێ دوو رۆژیش بحه‌وێمه‌وه‌.. نه‌.. نه‌.. وا نه‌زانن له‌ به‌ر ئه‌وه‌یه‌ که‌ ده‌رسه‌کانمان زۆرن و پیا رانه‌گه‌ین و مامۆستاکانمان زه‌خت ئه‌خه‌نه‌ سه‌رمان نه‌.. به‌ ڵکوو به‌ پێچه‌وانه‌ی ئه‌مه‌وه‌ ئه‌وه‌نده‌ به‌تاڵین .. که‌ به‌ ته‌واوی وه‌ڕه‌ز ده‌بین به ده‌س ئه‌و ده‌رسه‌ هیچ و پووچ و دوور له‌ ناوه‌رۆکانه‌مانه‌وه‌‌..
سه‌ره‌تا له‌ سه‌ر ئه‌م شاره‌ و ئه‌م ناوه‌نده‌ و دواتریش له‌ سه‌ر مامۆستاکان و قوتابیه‌کان و وانه‌کانمان و ناوه‌رۆکیان بۆتان دێمه‌ ئاخافتن..

بۆ ئه‌وه‌ش ده‌ینووسم که ساڵانی داهاتووی ژیانم چاو له‌م گێژاوه‌ی ژیانم بکه‌م که‌ چلۆن باشترین کاته‌کانی ژیانم به فیڕۆ رۆشت و منیش هیچ کاریگه‌ریه‌کم له‌ سه‌ر چاره‌نووسی خۆم نه‌بوو..


کۆتایی به‌شی هه‌وه‌ڵ

Apr 15, 2007

مه‌نووچێهر پووردڵ

 مه‌نووچێهر پووردڵ له‌ هاوینی ساڵی 1366ی هه‌تاوی له‌ شاره‌ جوانه‌که‌ی مه‌هاباد له‌ دایک بووه‌.
12 ساڵان ده‌بێ که‌ چیرۆکی "مێشک کامپیوتری" ده‌نووسێ. و دێته‌ ناو جه‌رگه‌ی ئه‌ده‌بی کوردی. شاعیری به‌ڕێز کاک ره‌سووڵ عه‌بدوڵا نیژاد له ته‌مه‌نی 14 ساڵیدا به جوانی فێری نووسین و خوێندنه‌وه‌ی کوردی ده‌کا. 16ساڵان ده‌بێ که‌ یه‌که‌مین به‌رهه‌می به ناوی "رزگاری"پێشکه‌ش به‌ ئه‌ده‌بی منداڵان کردووه‌. پاشان له‌ ته‌مه‌نی 18 ساڵی دا دووهه‌مین به‌رهه‌می به ناوی "ئامانج و ئاوات" چاپ کردووه‌. له ته‌مه‌نی 19 ساڵیدا بوه‌ته‌ ئه‌ندامی ئه‌نجوومه‌نی نووسه‌رانی ئێران. له ساڵی 2008 دوو به‌رهه‌می وه‌رگێڕاوی له شاری هه‌ولیر به چاپ گه‌یاندووه‌.
رێزدار مه‌نووچێهر پووردڵ ئێستا له‌ ورمێ خه‌ریکی خوێندن له‌ رشته‌ی مه‌هه‌ندیسی ئه‌له‌کترۆنیکه‌.
به ناوی ده‌سته‌ی نووسه‌رانی "خاتوون" و سه‌رجه‌م ئه‌ندامانی ئه‌نستیتۆی ئه‌حمه‌دی خانی له‌ شاری ورمێ؛ هیوای سه‌رکه‌و‌تن و گه‌شه‌ سه‌ندنی هه‌ر چی زیاتر، بۆ ئه‌م نووسه‌ر و وه‌رگێڕه‌ی کورد‌ ده‌که‌ین. هیوادارین نمونه‌ی لاوانی سه‌رکه‌وتووی کورد به‌رده‌وام له‌ زیاد بوون دابێ. بۆ خزمه‌ت به‌ مرۆڤایه‌تی و نه‌ته‌وه‌ی کورد.

به‌رهه‌مه‌ له‌ چاپ دراوه‌کانی کاک مه‌نووچێهر پووردڵ بریتین له :

    رزگاری
   ئامانج و ئاوات
   مه‌زرای گیانه‌وه‌ره‌کان
     به‌فرین و حه‌وت فچقییله‌کان

Mar 23, 2007

لاوان وه‌رن با جێ نه‌مێنن له‌ بزووتنه‌وه‌ی کورد دژی کورد!!


هونه‌رمه‌ندی گۆرانیبێژی کورد دارین زانیار، گه‌نجێکی به ڕه‌چه‌ڵه‌ک کورده‌ له‌ 2-6-1987دا له‌ سوید، له‌ دایک بووه‌. دارین هه‌روه‌كوو خۆی بۆ میدیاكان باسیده‌كات هه‌ر له‌ ته‌مه‌نی 3 ساڵییه‌وه‌ حه‌زی له‌ هونه‌ری مۆسیقا هه‌بووه...
هه‌ر چه‌نده‌ دارین زانیار له‌دایکبووی وڵاتی سویده‌ به‌ڵام له‌ دڵه‌وه‌ لاوێکی کورده‌ و له‌ کاتی تاقیکردنه‌وه‌یدا له‌ به‌رنامه‌ی ئیدۆل ئاڵای کوردستانی ده‌کرد به‌سه‌ر سنگیه‌وه‌، ته‌نانه‌ت هه‌ندێک له‌ سویدیه‌کانیش له‌ خۆشه‌ویستی دارین ئاڵای کوردستانیان ده‌شه‌کانده‌وه‌.
دارین له‌ ماوه‌ی هاتنه‌ نێو گۆڕه‌پانی هه‌نه‌ره‌وه‌، سێ ئه‌لبۆمی گۆرانی هه‌یه‌ که‌ به‌ زمانی ئینگلیزی وتراوون. هۆنراوه‌ی هه‌ندێک له‌ گۆرانیه‌کان هی دارین خۆیه‌تی و چه‌ندین هۆنراوه‌شی له‌ لایه‌ن هۆنراوه‌نووسانی جیهانیه‌وه‌ بۆ نووسراوه..
دارین زانیار له‌ ساڵی 2007دا باشترین خه‌ڵات وه‌رده‌گرێت و هه‌ڵده‌بژێرێت  به‌ باشترین كوردی ساڵی 2007، به‌هۆی سۆز و خۆشه‌ویستی خه‌ڵكی وڵاتی سوید بۆ دارین-ی سوپه‌ر ستار 4 هه‌زار سویدی ناوی منداڵه‌كانیان ناوه‌ (دارین)و وشه‌ی (دارین) له‌ فه‌رمانگه‌ی باری كه‌سێتی ئه‌و وڵاته‌ جێگیركراوه‌ وه‌ك لایه‌ك و له‌سه‌روو ئه‌مانه‌شه‌وه‌ ئه‌م ئه‌ستێره‌ به‌هره‌مه‌نده‌ تا ئێستا ده‌یان خه‌ڵاتی پێدراوه‌ به‌هۆی لێهاتوویی له‌ بواری هونه‌ره‌كه‌یدا ..
هه‌روه‌ك خۆشی ئاماژه‌ی پێدا جارێكیان له‌ سوید ده‌ستنیشانده‌كرێت كه‌ خه‌ڵات بداته‌ هونه‌رمه‌ندی گۆرانیبێژی ئه‌مه‌ریكای لاتین (شاكیرا)و هه‌ر له‌وێشدا خۆی پێده‌ناسێنێ... ئه‌م لاوه‌ هه‌ژده‌ ساڵه‌ بۆته‌ هێمای مه‌زنی لاوی کورد له‌ سوید...
هێمای مه‌زنی لاوی کورد له‌ سوید...  
دارین له‌ دیمانه‌یه‌كدا له‌گه‌ڵ ته‌له‌فزیۆنی (TISHK-TV) له‌ شه‌وی 5-6/2/2007، ئاماژه‌ی به‌وه‌ دا که‌ ده‌نگی مایکڵ جاکسۆن وتامی پیزا و کۆلا له‌ ده‌نگی حه‌سه‌ن زیره‌ک و تامی یاپراخ و ماستاو خۆشتره‌ به‌لایه‌وه‌.. پێشکه‌شکاره‌ حیزبییه‌که‌، به‌ چاوێکی به‌رته‌سکانه‌ و ناوچه‌گه‌رایانه‌ی حیزبییه‌وه‌‌!! گه‌ندترین پرسیاری ئه‌وه‌ بوو:" tishk tvیان ."roj tv  ، به‌ڵام دیاره‌ که‌سێک که‌ له‌ سه‌ر سفره‌ی که‌سێک دانیشتبێت قه‌د ناڵێ ده‌ستان خۆش نه‌بێ بۆ خواردنتان ئه‌ویش گووتی:" tishk tv" جا سه‌یری ئه‌و مێشکه‌ بچووکه‌ی کورد بکه‌!!! سه‌یری ئه‌و هه‌ڵسه‌نگاندنه‌..
هه‌روه‌ك خۆی وتی:" به‌نیازه‌ سه‌ردانی كوردستان بكات و وتیشی كه‌ ئه‌و كوردی سوید و كوردی هه‌موو دنیای خۆشده‌وێت هه‌روه‌ها كوردستان و سویدی زۆر خۆشده‌وێت و حه‌ز به‌ خه‌ڵكی كوردستان ده‌كات.." به‌ڵام چۆن ده‌بێ که‌سێک ناوی کورد بێنێت و ئاگای له‌ رق و کینه‌ و دووبه‌ره‌کی نه‌بێت.. بۆیه‌ ئه‌وا که‌ناڵه‌ کوردیه‌کانیش هه‌وڵ ده‌ده‌ن ئه‌وانه‌ی وان له‌ هه‌نده‌ران ئه‌وانیش فێری دووبه‌ره‌کی بکه‌ن.. ئه‌گینا له‌ بزووتنه‌وه‌ی کورد دژی کورد جێ ده‌مێنن!!
 ماوه‌ته‌وه‌ بڵێین هیوادارین نموونه‌ی (دارین)مان زۆر بێت، چونكه‌ ئه‌و له‌ رێگای هونه‌ره‌كه‌یه‌وه‌ كورد و كوردستانی ناساندووه‌ به‌ ئه‌وروپاو جیهان، كه‌ ئه‌مه‌ش خۆی له‌ خۆیا خزمه‌تێكی گه‌وره‌یه‌ به‌رامبه‌ر نیشتمان و نه‌ته‌وه‌كه‌ی... به‌ڵام که‌ناڵه‌ خۆێڕیه‌کانمان له‌ رێگه‌ی دوو به‌ره‌کی و سنوورکێشانی حیزبایه‌تی هه‌زارانی وه‌ک دارین کاول ده‌که‌ن..

Mar 16, 2007

ماهواره‌ دزین


ئه‌وا دیسان ده‌ڵه‌ دزه‌کانی نیرووی ئینتیزامی ده‌ستیان دایه‌ دزییه‌کی دیکه‌ ئه‌م جاره‌ روویان له‌ ماڵی ئێمه‌ و دراوسێکانمان کرد. و دوێنی له‌ کاتێک دا که‌ خۆمان له‌ ماڵ نه‌بووین رۆشتوونه‌ته‌ سه‌ربانی ماڵه‌که‌مان و ساج و LNB ی سه‌ته‌لایته‌که‌یان دزیوین. هه‌ر وه‌ک جاران که‌ بیره‌ و ویسکی و خواردنه‌وه‌کانییان به خه‌ڵکه‌وه‌ ده‌گرت و خۆیان ئه‌یان خوارد یان هه‌ر بۆ خۆیان ده‌یان فرۆشت!!! ئه‌م جاره‌یان که‌س نازانێ ئه‌م ساج و LNB یانه‌ له‌ کوێ ده‌فرۆشن...
ئه‌وا که‌س نازانێ ئه‌بێ تا که‌ی ئه‌و به‌رنامه‌ ناحه‌زانه‌ی ته‌له‌ڤیزیونه‌کانی ئێران چاو  لێ بکه‌ین....

Mar 11, 2007

قه‌شمه‌ر ئاوا، ئاوه‌دان کرایه‌وه‌..

به‌ هه‌وڵ و تێکۆشانی هاوڕێیان و تێکۆشه‌رانی گه‌ل و نیشتمان ئه‌وا ئه‌م جاره‌ش پیلانی دوژمنانی مه‌کته‌بی قه‌شمه‌ریسم پووچه‌ڵ کرایه‌وه‌  و جارێکی تر قه‌شمه‌رئاوا، ئاوه‌دان کرایه‌وه‌...
دوا به دوایی ئه‌وه‌یی که‌ قه‌شمه‌رئاوا تووشی قه‌یرانی ئه‌نفال بوویه‌وه‌، ئه‌وا نه‌وه‌کانی داهاتووی ئه‌م مه‌کته‌به‌ له‌ مێژینه‌ی کورده‌ قۆڵیان هه‌ڵماڵیوه‌ به‌ درێژه‌ پێدانی قه‌شمه‌ری و قه‌شمه‌ریسم له ژێر دروشمی "دونیا یانێ تڕهات ، باقییه‌که‌ی قسه‌ی قۆڕه‌".
بۆ سه‌ردان و نووسینی بابه‌ت سه‌ردانی ئه‌م ناو نیشانه‌ بکه‌...

ناونیشان : دۆڵی بلۆگفا، ته‌نیشت خونچه‌ پشکووتوه‌که‌ی قه‌شمه‌ر، ماڵی قه‌شمه‌ریسته‌کان، قه‌شمه‌ر ژوماره‌ 2

Feb 20, 2007

ڕه‌نگدانه‌وه‌ی شه‌ڕه‌ خواردنه‌که‌ی ره‌جه‌ب و جه‌ماعه‌ت

 

سه‌رچاوه‌یه‌ک له ژنه‌که‌ی بووشه‌وه‌ رایگه‌یاندوه‌، که‌ جورج ده‌م و فڵقی به‌ هۆی خواردنی پیازێکی گه‌رم و چه‌وره‌وه‌ سووتاوه‌.. ژنه‌که‌ی کاتێک به‌م کاره‌ساته‌ی زانی که‌ جورج ناتوانێ ماچی بکات.. ئه‌م پیازه‌ وا دیاره‌ ئه‌وه‌نده‌ گه‌رم و چه‌ور و سۆڵ بووه‌ که‌ جورج ته‌نانه‌ت قوونیشی ده‌سۆڵێته‌وه‌...

ڕه‌جه‌ب و عه‌به‌ گول به‌ هۆی ئه‌وه‌ی که‌ تووشی دڵه‌ڕاوکێیه‌کی له‌ ڕاده‌ به‌ده‌ر بووبوون.. و له‌و لاشه‌وه‌ ده‌یانویست زۆر بخۆن و هه‌ر بۆیان نه‌ده‌خوورا.. کاتی نووستنیش به‌رده‌وام به‌ خۆی ده‌گووت:" ئه‌م شه‌و پڕ به‌ چاوم ده‌خه‌وم".. به‌ڵام ته‌نیا توانیان یه‌ک کاتژمێر بخه‌ون ئه‌ویش ئه‌وه‌نده‌ خه‌ویی ناخۆشیان بینی.. گوویان بخواردایه‌ له‌و خه‌وتنه‌ش باشتر بوو.. له‌ خه‌ویاندا هه‌ر ده‌م منداڵێکی کوردیان ده‌بینی به‌ پێنووسێکی درێژه‌وه‌.. و پێیانی ده‌گووت:"هاتووم تۆڵه‌ی خۆم بکه‌مه‌وه‌".
عه‌به‌ گول بۆ سبه‌ی سه‌فه‌رێکی به‌ ده‌سته‌وه‌ بوو بۆ ئافریقا، مه‌جبوور بوو سه‌فه‌ره‌که‌ی هه‌ڵ وه‌شێنێته‌وه‌.. و بڕوات به‌ دوای کێشانی دیانی عه‌قڵی دا که‌ دوێنێ شه‌و ده‌ویست پاروویه‌کی پێ بخوات و هه‌ر پێی نه‌خوورا..

بۆ ئۆلمێرت برووسکه‌یه‌ک لایی حه‌زره‌تی یه‌عقووبه‌وه‌ هاتبوو.. " ئه‌ی ئۆلمێرت تۆ نه‌ده‌بووایه‌ له‌و خواردنه‌ت بخواردایه‌.. ئه‌و نه‌ته‌وه‌ نه‌ته‌وه‌یه‌کی پاکن، داوای وڵاتی خۆیان ده‌که‌ن.. وه‌ک ئێمه‌. به‌ڵام ئێمه‌ به‌ وڵاتی خۆمان و به‌ سه‌ر به‌خۆیمان گه‌یشتین.. ئه‌و نه‌ته‌وه‌ که‌ پێیان ده‌ڵێن کورد ئازاریان بۆ که‌س نییه‌.. و نابێ که‌س پێ به‌ کلکیان دا بنێ، چونکوو لێی ده‌بن به‌ ئه‌ژدیها.. خۆ ئه‌وان فه‌له‌ستینیه‌کان نین که‌ ساڵه‌های ساڵه‌ له‌ گۆشت و مۆخیان ده‌خۆی.. ئه‌وا من له‌ لایه‌ن تۆوه‌ بڕیارم داوه‌ به‌ خودای هه‌ژده‌ هه‌زار عاله‌م که‌ تووشی نه‌خۆشینت نه‌کا، و پێیم کووتوه‌ که‌ جارێکی تر گووی وه‌ها ناخۆیت و به‌شداریی ئه‌م جۆره‌ میوانیانه‌ ناکه‌یت.."

مام جه‌لال تووشی ئیسحالی و زه‌حیریه‌کی له‌ ڕاده‌ به‌ده‌ر هاتووه‌.. به‌ هۆی ئه‌وه‌ی بۆ مه‌زه‌ی شه‌رابه‌که‌یان شتێکی بچووکیان دانابوو، ئه‌وانه‌ی ده‌ڵێم که‌ له‌ دوای مشک به‌رده‌بنه‌وه‌ و ئه‌ویش هه‌ر به‌قیزه‌وه‌ ده‌یخوارد..
له‌ هه‌مووی خراپتر ده‌بێ مه‌سعودیش هێور بکاته‌وه‌.. گوایه‌ ویستوویه‌ فتوای جه‌هاد بدات و خه‌ڵکی بکێشێته‌ سه‌ر کۆڵان و شه‌قامه‌کان له‌ به‌ر ئه‌وه‌ی توورکه‌کان پردێکیان رووخاندوه‌ و ژێر خانی ئابووریمان تێک چووه‌!!!
له‌م باروو دۆخه‌ ناسک و پڕ له‌ ئێش و نه‌خۆشینه‌دا؛ کاکه‌ مه‌سعود نامه‌یه‌کی پڕ له‌ گله‌ی و گازنده‌ ناردووه‌ بۆ جورجی ده‌م و فڵق و قوون سووتاوو، که بۆ چی منیشتان بانگ نکردووه‌ و هه‌ر ئه‌و ورگ پانه‌، دووگیانه‌ بانگ ده‌که‌ن..

بۆ ئه‌وه‌ی جوانتر چاو له‌ کێشه‌کان بکه‌ن، جورج خه‌ریکه‌ له‌ ئه‌مریکا چاویلکه‌یه‌کی سۆپه‌ری بۆ جه‌ماعه‌ته‌که‌ی ره‌جه‌ب ساز ده‌کات.. که‌ له‌مه‌ به‌ دوا به‌ چاوێکی تیژتر چاو له‌ کێشه‌کان بکه‌ن..


                                                       

                           تێبینی:ئه‌م بابه‌ته‌ پێوه‌ندی به‌م بابه‌ته‌ی خواره‌وه‌‌ هه‌یه‌..