سه‌دام تا چه‌ند سه‌عاتێکی دی ئێعدام ده‌کرێت

 

ڕێنێسانس نیوز؛ ناوه‌ندی هه‌واڵ: دادوه‌ری دادگای پێداچوونه‌وه‌ی ئێڕاق مونیر حه‌داد، که‌ بڕیاری له‌ سێداره‌دانی سه‌دامی ئه‌رێ کردووه‌ ڕایگه‌یاند: ئه‌مڕۆ یان سبه‌ی سه‌رله‌به‌یانی دیکتاتۆری پێشووی ئێڕاق سه‌دام حوسێن له‌ سێداره‌ ده‌درێت. ناوبراو ئه‌وه‌شی ده‌ستنیشان کرد که‌ هه‌موو ته‌دبیره‌ ئه‌وله‌کارییه‌کان وه‌رگیراون. به‌ گوێره‌ی هه‌واڵی ئاژانسی ئاسۆشیێتێد پرێس ناوبراو ئاماده‌یی خۆیشی ده‌ربڕیوه‌ که‌ له‌ "ڕێوڕه‌سمی" ئێعدام کردنی سه‌دامدا به‌شدرای بکات. 

هه‌ر له‌و بواره‌وه‌ به‌رپرسێکی باڵای حکوومه‌تی ئێڕاق ڕایگه‌یاند که‌ سه‌دام حوسێن هه‌تا چه‌ند سه‌عاتێکی دی ئێعدام ده‌کرێت.

هه‌ر له‌و بواره‌وه‌ یه‌کێک له‌ پارێزه‌رانی سه‌دام به‌ ناوی خه‌لیل ئه‌لده‌ولیمی وتی که ئه‌مریکییه‌کان ڕاده‌ست کردنه‌وه‌ی سه‌دام به‌ حکوومه‌تی ئێڕاقیان به‌ وی ڕاگه‌یاندووه‌ و داواشیان لێ کردووه‌ که‌ نه‌چێته‌ به‌غداد. ناوبراو ئه‌وه‌شی ده‌ستنیشان کرد که‌ داوای لێکراوه‌ شتومه‌کی سه‌دام و بارزان تکریتی وه‌ربگرنه‌وه‌ .

هه‌روه‌ها وه‌زیری پێشووی دادی قه‌ته‌ر نه‌جیب نه‌عیمی، که‌ ئه‌ویش یه‌کێک له‌ پارێزه‌رانی سه‌دام حوسێنه‌، به‌ ته‌له‌فیزۆنی ئه‌لجه‌زیره‌ی ڕاگه‌یاند که‌ شیمانه‌ ده‌کرێ سبه‌ی سه‌دام حوسێن ئێعدام بکرێت.
سه‌رچاوه‌ :www.renesans.nu/articles.php?id=870

باشترین دیاری رۆژی جێژن و شه‌وی کریسمه‌س

 دیمه‌نه‌ ناشیرینه‌کانی پیرایی چوونی کریسمه‌س و جه‌ژنی قوربان له‌ مه‌ریوان هه‌موو رۆژێک دڵی هه‌زاران که‌س بۆ کز ده‌کات .

 هه‌ر سه‌ر له‌ به‌یانی کات ژمێر پێنج و شه‌شی به‌یانیه‌وه‌ دیمه‌نی ده‌یان که‌سی که‌پسوول له‌ شان یان که‌پسوول به‌ستراو به دوای موتور و ماشینه‌کان سه‌رنجت راده‌کێشێت .... که به‌ره‌و که‌پسوول خانه‌کان ده‌ڕۆن ...  و له جیاتی به‌یانی باش و كڵاو لا بردن بۆ یه‌کتر ؛ "که‌پسوول باش "ده‌ڵێن به یه‌کتر ......  .

جیا له‌مانه‌ دیمه‌نی به‌نزین خانه‌کانه‌ . که ماشێنه‌کان له‌ کات ژمێری دوو و سێی شه‌ووه‌ هاتوون بۆ به‌نزین و  سه‌فی دوو تا سێ کیلۆمه‌تری پێک دێنن . و ماشێنه‌کان له‌ بریتی رۆژ باش له‌ یه‌کتر "به‌نزین باش "و" نایدۆشی "ده‌که‌ن له یه‌کتر .

تازه‌ ئیتر دیمه‌نه‌کانی نه‌وت گرتن و نه‌وت فرۆشه‌کان با بوه‌ستێت  ... له‌م دوایانه‌دا نانه‌واخانه‌کان به‌ شێوه‌یه‌کی سه‌رسووڕهێنه‌ر قه‌ره‌باڵغ بوو بون .... و له‌ گشت ئه‌مانه سه‌یر تر ئه‌وه‌یه‌ که تاوانی نه‌بوونی ته‌واوی ئه‌م شتانه ده‌خه‌نه‌ ئه‌ستووی وڵاتی عێراق و ئه‌وه‌ی کون له‌ ده‌می دابێت ده‌ڵێت بۆ مه‌رزه‌که‌ی ده‌بن !!!!!! ده‌ڵێت ئێران بۆ خۆیی وڵات نیه‌ و گرێ دراوه‌ به وڵاتێکی شپرزه‌ی وه‌ک عێراقه‌وه‌ ... که که‌م کاری کاربه‌ده‌ستان هه‌مووی وا له‌ ئه‌ستۆی وڵاتێکی تر دا . کورد باشی گوتوه‌ که‌ ده‌ڵێت : " گڵۆڵه‌م که‌وته‌ لێژێ هیچ که‌س خاسیم نایه‌ژێ " .

راوه‌سته‌ راوه‌سته‌ سه‌یرتیشم لایه‌ ئه‌ویش ئه‌وه‌یه‌ که‌ خه‌ڵکی هه‌ر که‌ زانیویانه سزای ئابووری به‌ سه‌ر ئێران دا سه‌پاوه‌ به شێوه‌یه‌کی سه‌ر سووڕهێنه‌ر  خه‌ریکی کڕین و هه‌ڵگرتنی شت و مه‌کی خوارده‌مه‌نین و نرخی ته‌واوی شته‌کان به شێوه‌یه‌کی زه‌ق و به‌ر چاو به‌ره‌و ژوور ده‌ڕوات .... .

ئه‌م به‌ڵایه‌ ته‌نیا رووی له‌ چینی که‌م ده‌سه‌ڵات و مووچه‌ خۆر و کرێکار ده‌کات ئه‌گینا سزا و مزا خۆ روو له‌ مل پانه‌کانی کاربه‌ده‌ست ناکات .

ئه‌م هه‌موو دیمه‌نه‌ ناشیرینانه‌ رۆژانه دڵی هه‌ر مرۆڤێک ده‌هه‌ژێنێت .... به‌ڵام نازانم کاربه‌ده‌ستان دڵیان هه‌ر هه‌یه‌ یان چاویان سۆمای نه‌ماوه‌ که‌ ئه‌م شتانه نابینن !!!!! بازێکیان دوای ئه‌وه‌ی که‌ شه‌رتیان په‌ڕی و تێریان لێ خوارد و هیچیشیان بۆ خه‌ڵکی نه‌کرد ؛؛ ده‌که‌ونه‌ پاکانه و شفا و لاڵا که ئه‌گه‌ر ئێوه‌ نه‌زانن که‌ چیم بۆتان کردوه‌ ؛ خودا ده‌زانێ که‌ من یه‌ک پارچه چالاک و تێکۆشه‌ربووم ؟؟؟؟؟؟؟؟؟  

ئه‌گه‌ر له‌  رۆژی جێژن و شه‌وی کریسمه‌س دا وه‌ک بابا نۆئێل چوار لیتریه‌ک نه‌وت ، یان بتڵێک که‌پسوول بۆ هه‌ر که‌س به‌ریت ؛ باوه‌ڕ بکه‌ !! باشترین دیاریت بۆ بردوه‌ .