رۆژی 18/2/2006 زیاترله په‌نجا که‌س له لاوانی ئاوایی وله‌ژێر له چالاکیه‌کی هه‌ورازوانی دا چوونه سه‌ر ' شاخی که‌وه‌لان ' .
8- ئێمه هه‌موو پێداده‌گرین له سه‌ر نه‌هێشتنی شته ناحه‌زه‌کانی کۆمه‌ڵگا وه‌ک : سوکایه‌تی کردن – گه‌نده‌ڵیه‌کان – که‌مته‌رخه‌می و عاده‌ته ناپه‌سه‌نه‌کان به تایبه‌ت ئیعتیاد .
لاوان له‌م کۆبوونه‌وه‌دا به خۆێندنه‌وه‌ی چه‌ند شێعر و وتار و هه‌روه‌ها له ئاکام دا به خوێندنه‌وه‌ی بڕیارنامه‌یک ئامانجی خۆیان له‌م چالاکیه ده‌ربڕی .
بڕیارنامه‌ی ده‌سته‌ی شاخه‌وانیی که‌وه‌لان – مه‌ریوان – ئاوایی وله‌ژێر 29/11/84
1- ئێمه وه‌ک گروپێکی که‌ژوان ، به ئه‌و په‌ڕی تاقه‌ت و توانای خۆمانه‌وه پێشوازی ده‌که‌ین له هه‌موو جۆره وه‌رزشێک و سڵامه‌تی له‌ش و به‌رزیی وره و دووری له سستی و به ئاکامی وه‌رزش ده‌زانین .
2- گردیما ، پاراستن و پاک و خاوێن ڕاگرتنی سروشت و ژینگه به ئه‌رکی سه‌ر شانی خۆمان ده‌زانین و داربڕین و سوتاندنی ده‌وه‌ن و گه‌ون و گژو گیا ی کێو و ده‌شت و کوشتنی په‌له‌وه‌رو داعبا کێویه‌کان مه‌حکووم ده‌که‌ین .
3- مه حه‌موومان ، بناغه‌ی پێشکه‌وتنه ئابووری ، کۆمه‌ڵایه‌تی و رامیاریه‌کان له زانست دا ده‌بینین و له هه‌موو هه‌ل و مه‌رجێک دا ، هه‌وڵ بۆ ده‌وڵه‌مه‌ن کردنی باری زانستی کۆمه‌ڵایه‌تی و تاکه‌که‌سی ده‌ده‌ین ، و به پێی توانا رێ خۆش ده‌که‌ین بۆ پێشکه‌وتنی به‌ره‌ی داهاتوو .
4- ئێمه هه‌موو بڕیار ده‌ده‌ین، بۆ پته‌وکردنی پێوه‌ندی هه‌مه‌لایه‌نه‌ی نێوان چینه ئایینی و کۆمه‌ڵایه‌تیه‌کان ، ئه‌و په‌ڕی هه‌وڵی خۆمان ده‌خه‌ینه گه‌ڕ.
5- ئێمه هه‌موومان خوازیاری نه‌هێشتنی جیاوازیه ناحه‌زه‌کانی نێوان ژن و پیاوین و داوای لابردنی زۆربه‌ی به‌ربه‌سته‌کانی سه‌ر رێی چالاکی ژنان ده‌که‌ین و چاوه‌ڕێی ئه‌وه‌ین ژنانیش بۆ خۆیان له پێناو پێشخستنی کۆمه‌ڵ دا زیاتر تێبکۆشن .
6- ئێمه گشتمان رێز بۆ زوان و فه‌رهه‌نگی خۆمان داده‌نێین و تا بتوانین به ئه‌زموون وه‌رگرتن له مێژووی کورد گه‌شه به زوان و فه‌رهه‌نگی نه‌ته‌وه‌که‌مان ده‌ده‌ین .
7- گلایه‌کمان تێده‌کۆشین بۆ سه‌ر خستنی باری ئابووری کۆمه‌ڵگا به مه‌به‌ستی خۆشکردنی باری گوزه‌رانمان ویارمه تیدانی هه‌ژاران و په‌ککه‌وتووان .
