ئه‌ردووغان به پیره‌و كردنی سیاسه‌تی پوپولیستی و به پشت به‌ستن به ئایه‌ته‌كانی قورئان و له‌و ناوه‌دا به ناوی جێ به جێ كردنی حوكمی سووره‌تی (الفتح) هێرشی كرده سه‌ر رۆژاوای كوردستان و شاری عه‌فرین.
ئه‌وه بوو كه پێش نه‌ورۆزی ٢٠١٨ شاری كوردنشینی عه‌فرین دوای ماوه‌یه‌كی زۆر خۆراگری له به‌رانبه‌ر رژیمی داگیركه‌ری توركیا، بوو به قوربانی به‌رژه‌وه‌ندی وڵاتانی زل هێز و بێده‌نگی مافی مرۆڤی دیكۆری(!) و هه‌روه‌ها لێك ترازانی كوردی په‌راكه‌نده.. نه هاشتگ و گه‌رده‌لوولی تویته‌ری فریامان كه‌وت، نه هاتنه سه‌رشه‌قامه‌كان له ئوروپا بۆ پشتیوانی لێكردنی و نه ده‌ربڕینی نیگه‌رانی هه‌ندێ له كاربه‌ده‌سته ڕزیوو و له ده‌سه‌ڵات نه‌ماوه‌كانی ولاتانی ده‌سه‌ڵاتدار.
له ئاكامدا به هه‌زاران كه‌س له ژن و منداڵ ئاواره بوون و كوژران. ده‌یان خانووبه‌ره و دوكان له لایه‌ن هێزه‌كانی توركه‌وه تاڵانكران و ته‌نانه‌ت ره‌حمیان به په‌یكه‌ره‌كانیش نه‌كرد و به رق به كینه‌وه په‌یكه‌ره‌ی كاوه‌ی ئاسنگه‌ریان شكاند و گوله بارانیان كرد.
له‌م هێرش كردنانه‌دا وڵاتی رووسیا به ته‌واوه‌تی پشت و په‌نای توركیا بوو، هه‌ر بۆیه جێی خۆیه‌تی بڵێم كه یه‌كه‌م دوژمنی كورد ده‌سه‌ڵاتی رووسه‌كانه دوای توركه‌كان.
No comments:
Post a Comment
په‌یڤێـک بپه‌یڤێنــه