شێعره‌کانم 2

"ئا..خ باران"

ئا..خ باران

ئه‌و ئه‌وینه‌ت چۆن داباراند

                           به سه‌رمدا

ئا..خ باران

ئاخۆ که‌ی بێ خۆره‌تاوێ

                          هه‌تاوێ

گه‌ڵا زه‌رده‌کانی پاییز که‌ی ده‌گه‌شێنه‌وه‌

ئا..خ باران

خووساوم به هه‌ورت

له‌وه‌دام بخنکێم

           له زه‌لکاوی تۆ دا

ئیتر به‌سمه،

           به‌سمه،

                 به‌سمه

ئا..خ باران

من ئه‌و ماسیه نیم

                   بتوانم مه‌له‌ بکه‌م

وه‌ره‌ فێرم که

             و

                تێرم که                        

                           
                         "گۆڕان" (ده‌ره‌کێ 17ی ئاوریلی 2000)

ٍٍٍشێعره‌کانـم 1

"خه‌ونی دڵ"

دڵم نووستبوو

             زۆر له مێژ بوو

خه‌ونی خۆشی ده‌دی

کاتێ که رۆژ خۆی ساوی به لووتکه‌ی کێوا

به ئه‌سه‌م له کڵاورۆچنه‌ی دڵته‌وه‌

                                    نووقم داچووم

گیرسامه‌وه‌ به برژانگی ره‌شی نیگات

                          و

                               هه‌نیسک هه‌نیسک

په‌له‌قاژێم ده‌کرد

                ده‌مزریکاند نا، نا

                                 ئه‌مجاره‌ش نا

 گۆڕان (20/9/78 ده‌ره‌کێ)