May 25, 2005

گه‌رایه‌کی ناو بۆگه‌ناو .

(ئه‌م بابه‌ته‌م له وڵامی ئه‌و هاوڕی ئازیزه‌دا نووسیوه‌ که به ناوی الایمان و الجهادبۆی نووسیبوین ) .

گه‌رایه‌ک به‌ خه‌ڵاتی
دار و ده‌سته‌ی مرۆڤ کوژانی سه‌ده‌ی 21 به ناوی دینه‌وه‌ ؛ ئه‌و‌ دینه‌ی که هه‌ڵگری ئاڵای ئازادی و ئاشتی بۆ جیهانیان بو ؛ ئیستاکه وا له ده‌ستی سه‌ربڕانێک دا که قه‌د بیریان له ناساندنی ئیسلامی راسته‌قینه‌یان نه‌کردوه‌ته‌وه‌ . به‌ڵکو ته‌نیا بیریان له فه‌وتان و قڕ کردن و سه‌ر بڕینی ئیسلام کردوه‌ته‌وه‌ . کاتێک پێغه‌مبه‌ر دیلێکی ده‌گرت . ده‌یگووت پێیان ئه‌مه‌یه‌ ئایینی ئیسلام ئه‌گه‌ر ناتانه‌وێ موسڵمان بن هه‌ر کامتان 10 موسڵمان فێری خۆێندن و نووسین بکات ئه‌وا رزگاری ده‌که‌ین . به‌ڵام له سه‌ده‌ی 21 دا موسڵمانانی له ئیسلام دوور که‌وتوو ، هه‌ر ده‌زانن سه‌ر ببڕن و بخنکێنن یان باره‌مته‌ بفرۆشن .
بۆ منیش گه‌رایه‌کی بۆگه‌ن به خه‌ڵاتی هاتوه‌ که تێدا" باوکی مه‌سعه‌بی زه‌رقاوی "به قاره‌مانی ئیسلام ناوی لێده‌هێنێت و جا بۆ گوایه‌ به سه‌دامی خۆێن مژیان نه‌ده‌گووت " حه‌زره‌تی عومه‌ری ثانی " و دۆعایان بۆ نه‌ده‌کرد جا وا " ئه‌بو مه‌سعه‌بیش "  که که‌وته‌ زبڵدانی مێژوه‌وه‌ ئایا ئیسلام روو له پێشکه‌وتن ده‌ڕوات یان روو له نه‌گبه‌تی .
به بڕوای من تا کوو گه‌رای نه‌گبه‌تی و دواکه‌وتوویی دژ به ئیسلامه‌کان که به ناوی ئیسلامه‌وه‌ سه‌ر ده‌بڕن و گیرفانیان بۆ پاره‌ی باره‌مته‌ هه‌ڵدووربێت  .  ئیسلام هه‌ر روو له پێشکه‌وتنێک ناکات که جیهانیان رووی تێ بکه‌ن و موسڵمانانیش هه‌ر شانازیه‌کانیان هه‌ر رابردووده‌بێت ؛ که له سه‌ده‌ی فڵانی دا فڵانه بیرمه‌ندمان بوو . فڵانه که‌سمان بوو ئه‌وه‌نده‌ زیره‌ک و به توانا بوو . و داهاتوه‌کانیش ئه‌بێ شانازی به موسڵمانی ئه‌م سه‌ده‌وه‌ بکه‌ن که چۆن گۆماوی خۆێنیان رێک خستوه‌ .
                                         

May 24, 2005

پرسه‌نامه


ئێمه‌ سه‌ر جه‌م شه‌مشه‌مه‌ کوێره‌کانی جه‌هه‌نه‌م  و شه‌مشه‌مه‌ کوێره‌کانی ئه‌فغانستان و شه‌مشه‌مه‌ کوێره‌کانی ئه‌م دۆڵه‌ی خوار و دۆڵه‌ که‌ی سه‌رو .... سه‌ره‌خۆشی خۆمان ئاراسته‌ی سه‌رجه‌م خزم و که‌س و قه‌وم و الاخوة و الاخوات الارض و القمر و الاقمار الصناعیه‌ و....  ده‌که‌ین. به بۆنه‌ی چوونه‌ ریزی هاوڕێێ دێرنی تیرۆریست و تیروریست په‌روه‌رمان " باوکی مه‌سعه‌بی زه‌رقاوی و ریش گواوی " بۆ ناو کاروانی پڕ له شانازی جهـــــــاد .
هه‌ر به‌م بۆنه‌وه‌ پرسه‌ی ئه‌م خۆێریمانه له مزگه‌وتی شه‌مشه‌مه‌ کۆێره‌کانی پاڵ هۆڵی یه‌کی شوبات داناوه‌ . به‌شداری ئێوه‌ی ئازیز ده‌بێته‌ هۆیی باشتر گه‌شه‌سه‌ندنی تیرور و بن بڕکردنی ئاسایشی ناو کۆمه‌ڵگا .
هه‌ر بۆیه‌ تکاتان لێده‌که‌ین به زۆترین کات وه‌رن بۆ پرسه . ئه‌گینا سه‌رتان ده‌بڕین تا کۆ ئێمه‌ش له کاروانی جهاد و انتفاضه‌ دوورنه‌که‌وینه‌وه‌ .
له‌پێشا " اجرکم عند الله " داواکارین بۆ " پـه‌یـــڤ " ی ئازیز بۆ بڵاو کردنه‌وه‌ی ئه‌م پرسه‌ نامه‌یه‌ . ( ئه‌ڵبه‌ت ئه‌ویش ئه‌بێ زوانی له بندا ببڕین . چونکا به نهێنی سه‌ره‌خۆشییه‌كی ئێمه‌ی زانیوه‌ ) .
ئیتر به‌رز و پیرۆز بێت یادی قڕ کردن و تۆقاندن و له ناو بردنی ئه‌ده‌ب و هونه‌ر و موسیقا و خۆشه‌ویستی  ..........
هه‌ر شه‌کاوه‌ بێت چارشێوی رووڕه‌شی و نقاب و  سه‌ربڕین و دواکه‌وتوویی و چه‌وسانه‌وه‌ ......

May 23, 2005

مزگێنی ، مزگێنی

 
مزگێنی ، مزگێنی ............

مزگێنی بۆ " شاسوار " و سه‌رجه‌م ئه‌وکه‌سانه‌ی که پێیان ناخۆش بو که من و باقی هاوڕێکانم ئامێر و که‌ره‌سه‌ی پێوێستمان بۆ یاری و گه‌مه‌کردن نیه‌ . من هه‌ر له ماڵ خۆمان له جێگای دیله‌کانێ و چه‌رخ و فه‌له‌ک و ..... ئه‌م ماشێنه‌ی لیباس شۆردنه‌م به‌گیر هێناوه‌ و جار و بار خۆمی تێده‌هاوم .

 
هه‌ر وه‌ها جاری واش هه‌یه‌ که له ده‌لاقه‌ی ژووره‌که‌مه‌وه‌ سه‌یری خه‌ڵکی و ماشێنه‌کان ده‌که‌م  . ئه‌مه‌ش شتێکی خراب نیه‌ بۆ رابوواردن .

هه‌روه‌ها که باوکی هێمنێش له کامێنتێک دا ئاماژه‌ی پێ داوه‌ شاره‌داری قوڕ به‌سه‌ره‌ ده‌ره‌قه‌د نایه‌ت ، به‌سته‌زمانه پاره‌ی نیه‌ چوونکا هه‌ر فریای ئه‌وه‌ ده‌که‌وێت که ناو کۆڵان و خیابانه‌کان ئیسفاڵت بکاته‌وه‌ . له به‌ر ئه‌وه‌ی ئه‌وه‌نده‌ی خزمه‌ت گوزاریان کردوه‌ و په‌یتا په‌یتا هه‌ڵی ده‌که‌نن بۆ گاز و بۆ ئاو و بۆ ته‌له‌فوون و ....... ئه‌وێش ئیتر خواهه‌ڵ ناگرێ ئه‌وه‌نده‌ بکه‌یته‌ سه‌ریان ؛ وه‌ک بڵێت له هیچ شۆێنێکی دونیادا پرۆسه‌ی خزمه‌ت گوزای ناکه‌ن ، بۆیه‌ ئه‌وه‌نده‌ ئه‌وان شاری یاریان خۆشه‌ !!!!!!!!!!
ده‌ی باشه‌ له خوا به‌زیاد بێت و نۆشی گیانی ئێمه‌ش نه‌بێت . پرۆسه‌کان ئه‌وه‌نده‌ به رێک و پێکی ده‌کرێن که ئیتر نایه‌وێت باسی بکرێت که ئه‌گه‌ر هه‌ر که‌س به نێو  شاردا پیاسه‌یه‌ک بکات ، شارێک که پێی ده‌ڵێن ( توریستی ) !!!!!!!!!!!! بۆی ده‌رده‌که‌وێت که‌ که‌م و کوڕیه‌کان تا چ راده‌یه‌که‌ زه‌ق و به‌ر چاوه‌ .
 با پێکه‌وه‌ سه‌یرێکی ئه‌م ده‌لاقه‌یه بکه‌ین و تۆزێک باشتر شته‌کانمان بۆ روون بێته‌وه‌ .
                                     ۩
یان باوکی هێمن له به‌شێکی تری کامێنته‌که‌ی دا ئه‌م ئه‌رکه‌ی خستوه‌ته‌ سه‌ر شانی ده‌وڵه‌مه‌نده‌کانه‌وه‌ !!!!!!!!! جا ده‌وڵه‌مه‌ندی مه‌ریوانی هه‌ر ده‌زانن پاساژ بکه‌نه‌وه‌ یان بڕۆن بۆ حه‌ج ئه‌ویش ته‌نیا بۆ زیاد کردنی ژماره‌ی حه‌جه‌کانیانه‌ نه‌ک بۆ  عیباده‌ت !!!   
جائیتر ئێمه‌ی منداڵان با هه‌ر پێمان بڵێن نه‌وه‌ی داهاتوو ، هیوای گه‌ل و نه‌ته‌وه‌ ، و ...............

به هیوایه‌ که ئێمه‌ش شاد بینه‌وه‌ به شادی باغچه‌کان و ئاشتمان بێته‌وه‌ له‌گه‌ل یاری و پێکه‌نین . 

ئه‌مه‌ش ته‌نیا پیرۆز بایه‌کی وشک و خاڵی :

                                     " رۆو جیهانی زاڕوڵا پیرۆز بۆنه‌ "
" رۆژی جیهانی منداڵان پیرۆز بێت " .
روز جهانی کودک مبارک .